Ӕмбӕрзӕнӕн сараз фондз цӕджындзы акъацийӕ, ӕмӕ сӕ сӕвдул сыгъзӕриндоны; сӕ къӕпсыртӕ хъуамӕ уой сыгъзӕринӕй; уыцы цӕджындзтӕн джиппы рауадз фондз бынӕвӕрӕны ӕрхуыйӕ.
Нывондхӕссӕн сараз акъацийӕ; йӕ дӕргъ – фондз ӕлмӕрины, йӕ уӕрх – фондз ӕлмӕрины, йӕ бӕрзӕнд – ӕртӕ ӕлмӕрины; нывондхӕссӕн хъуамӕ уа цыппӕрдигъон.
Йӕ цыппар тигъыл ын сараз сыкъатӕ йемӕ ӕмхӕстӕй, ӕмӕ йӕ сӕвдул ӕрхуыдоны.
Сараз хъуыраутӕ ӕртхутӕгӕн, чысыл белтӕ, куыситӕ, фыдисӕнтӕ ӕмӕ чысыл къоппытӕ ӕвзалыйӕн; ӕппӕт уыцы мигӕнӕнтӕ сараз ӕрхуыйӕ.
Сараз ын хыз ӕрхуыйӕ; згъӕрхызы цыппар къуымы сараз цыппар ӕрхуы цӕджы.
Ӕмбӕрзӕнӕн ма сарӕзтой фондз цӕджындзы къӕпсыртимӕ; сӕ сӕртӕ ӕмӕ сын сӕ тӕлытӕ стылдтой сыгъзӕриндоны, ӕмӕ сын сарӕзтой фондз бынӕвӕрӕны ӕвзистӕй.
Веселиил акъацийӕ сарӕзта цыппӕрдигъон нывондхӕссӕн иууылсудзинаг нывондтӕ судзынӕн; йӕ дӕргъ – фондз ӕлмӕрины, йӕ уӕрх – фондз ӕлмӕрины, йӕ бӕрзӕнд – ӕртӕ ӕлмӕрины.
Йӕ цыппар тигъыл ын сарӕзта йемӕ ӕмхӕст сыкъатӕ, ӕмӕ йӕ стылдта ӕрхуыдоны.
Нывондхӕссӕнӕн сарӕзта ӕппӕт мигӕнӕнтӕ: хъуыраутӕ, белтӕ, куыситӕ, фыдисӕнтӕ ӕмӕ чысыл къоппытӕ ӕвзалыйӕн. Мигӕнӕнтӕ иууылдӕр сарӕзта ӕрхуыйӕ.
Нывондхӕссӕнӕн сарӕзта хыз ӕрхуыйӕ – фӕлгӕты бынмӕ; хыз уыди нывондхӕссӕны хӕдастӕу.