Книга Исход Cтих 7 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Хуыцау загъта Моисейӕн: «Мысырӕй цы адӕмы ракодтай, уыдонимӕ ацу ардыгӕй, Авраамӕн, Исаакӕн ӕмӕ Иаковӕн цы зӕххы тыххӕй сомы кодтон, „дӕ байзӕддагӕн дын ӕй ратдзынӕн“, зӕгъгӕ, уырдӕм.

Дӕ разӕй арвитдзынӕн зӕды ӕмӕ фӕтӕрдзынӕн ханаанӕгты, аморрӕгты, хеттӕгты, ферезӕгты, хиввӕгты ӕмӕ иевусӕгты.

Ацӕут, ӕхсыр ӕмӕ мыд цӕугӕдонау кӕм кӕлынц, уыцы зӕхмӕ; Мӕхӕдӕг та нӕ ацӕудзынӕн уемӕ; хивӕнд адӕм стут, ӕмӕ тӕрсын, фӕндагыл уӕ куы фӕцӕгъдон, уымӕй».

Адӕм уыцы карз ныхас куы фехъуыстой, уӕд тынг ӕрӕнкъард сты, ӕмӕ сӕ йӕ фӕлындӕнтӕй йӕхи ничи сфӕлыста.

Уымӕн ӕмӕ Хуыцау загъта Моисейӕн: «Израилаг адӕмӕн зӕгъ: „Сымах хивӕнд адӕм стут. Ӕз уемӕ куы ацӕуин, уӕд уӕ цӕстыфӕныкъуылдмӕ фӕцӕгъдин. Ныр та рафтаут уӕ фӕлындӕнтӕ, ӕмӕ ӕркӕсон, цы уын бакӕнгӕ у, уымӕ“».

Ӕмӕ уым, Хоривы хохмӕ хӕстӕг, израилӕгтӕ рафтыдтой сӕ фӕлындӕнтӕ.

Моисейиу Цатыр ӕрӕвӕрдта израилӕгты асадӕнӕй дӕрддзӕф, ӕмӕ йӕ хуыдта «Фембӕлды Цатыр». Хуыцауы бафӕрсыниу кӕйдӕриддӕр бафӕндыд, уыйиу рацыди фӕсцӕрӕнмӕ, Цатырмӕ.

Параллельные места

Исход 25:22

Исход 29:42

Исход 29:43

Уым, фидыды Чырыны сӕрмӕ, цы дыууӕ херувимы ис, уыдоны ӕхсӕниу фембӕлдзынӕн демӕ ӕмӕиу дын зӕгъдзынӕн Мӕ амындтӕ израилаг адӕмӕн. Уыцы нывондтӕ хъуамӕ судзай ӕрвылбон ӕмӕ иудадзыг Фембӕлды Цатыры дуары цур, Хуыцауы раз. Уым Ӕз ӕмбӕлдзынӕн сымахимӕ, ӕмӕ дзурдзынӕн демӕ. Уымиу Ӕз фембӕлдзынӕн израилаг адӕмимӕ, ӕмӕ уыцы бынат ссыгъдӕг уыдзӕн Мӕ кадӕй.

Моисейиу Цатырмӕ куы фӕцӕйцыд, уӕдиу адӕм сеппӕт дӕр сыстадысты; алчидӕр сӕ лӕууыд йӕ Цатырмӕ бацӕуӕны ӕмӕ, Моисей цалынмӕ Фембӕлды Цатырмӕ бахызтаид, уӕдмӕиу каст йӕ фӕдыл.

Моисейиу Фембӕлды Цатырмӕ куы бахызт, уӕдиу уӕлейӕ ӕрцыд ӕврагъцӕджындз, ӕрлӕууыдиу Цатырмӕ бацӕуӕны, ӕмӕиу Хуыцау дзырдта Моисейимӕ.

Адӕмиу ӕврагъцӕджындз куы федтой, уӕдиу сеппӕт дӕр ӕрдӕлгом сты сӕ цатырты бацӕуӕны.

Моисейимӕ Хуыцау дзырдта лӕгӕйлӕгмӕ, дӕ хӕларимӕ куыд ныхас кӕнай, афтӕ; Моисейиу Цатырӕй ӕрбаздӕхт асадӕнмӕ. Нуны фырт Йесо та, йе 'ххуысгӕнӕг ӕрыгон лӕппу, Цатыр никуы ныууагъта.

Моисей загъта Хуыцауӕн: «Ды мын зӕгъыс: „Акӕн ацы адӕмы“; фӕлӕ мын кӕд амӕй размӕ загътай: „Ӕз зонын дӕу, ӕмӕ сдӕ Мӕ аудыны аккаг“, уӕддӕр мемӕ кӕй арвитдзынӕ, уый мын нӕ раргом кодтай.

Уӕдӕ кӕд ӕз Дӕ аудыны аккаг сдӕн, уӕд мын раргом кӕн Дӕ фӕнд, цӕмӕй Дӕ базонон, ӕмӕ кӕддӕриддӕр уон Дӕ хӕрзаудӕны аккаг; ӕмӕ ацы адӕм Дӕ адӕм кӕй сты, уый Дӕ рох ма уӕд».

Хуыцау загъта: «Мӕхӕдӕг ацӕудзынӕн демӕ, ӕмӕ дын ратдзынӕн удӕнцой».

Моисей Йын загъта: «Кӕд Дӕхӕдӕг нӕ ацӕудзынӕ немӕ, уӕд нӕ ардыгӕй ма акӕн.

Ӕз ӕмӕ Дӕ адӕм Дӕ аудыны аккаг кӕй систӕм, уый цӕмӕй базындӕуа? Ды Дӕхӕдӕг немӕ куы ацӕуай, уӕд уымӕй! Ӕз ӕмӕ Дӕ адӕм ӕрмӕст афтӕмӕй хицӕн кӕндзыстӕм, зӕххыл цы адӕмтӕ цӕры, уыдонӕн сеппӕтӕй дӕр».

Дунедарӕг загъта Моисейӕн: «Ды цӕй тыххӕй дзырдтай, Ӕз уый дӕр сараздзынӕн, уымӕн ӕмӕ ды сдӕ Мӕ аудыны аккаг, ӕмӕ дӕ хорз зонын».

Моисей загъта: «Фенын мын кӕн Дӕ кад».

Дунедарӕг ын дзуапп радта: «Ӕз бакӕндзынӕн афтӕ, ӕмӕ дӕ рӕзты ацӕудзӕни Ме 'ппӕт кад; Мӕ ном – Дунедарӕг – Ӕз расиддзынӕн дӕ разы. Мӕн Мӕ уарзт равдисын кӕмӕ бафӕнда, уымӕ йӕ равдисдзынӕн; кӕмӕн батӕригъӕд кӕнын Мӕ бафӕнда, уымӕн батӕригъӕд кӕндзынӕн».

Хуыцау ноджыдӕр загъта: «Мӕ цӕсгом фенын дӕ бон нӕу; уымӕн ӕмӕ адӕймаг Мӕн куы фена, уӕд удӕгасӕй нӕ баззайдзӕн».

Хуыцау загъта: «Ӕз дын амонын бынат: слӕуу ацы къӕдзӕхыл,

Ӕмӕ Мӕ кад куы рацӕуа, уӕд дӕ нывӕрдзынӕн къӕдзӕхы скъуыды, ӕмӕ дӕ Мӕ къухӕй бамбӕрздзынӕн, цалынмӕ дӕ рӕзты цӕуон, уӕдмӕ.

Мӕ къух куы айсон, уӕд Мӕ фендзынӕ чъылдымырдыгӕй, Мӕ цӕсгом та нӕ фендзынӕ».

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода