Книга Исход Cтих 10 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Хуыцау загъта Моисейӕн:

«Израилаг сылгоймӕгтӕй райгуырӕг хистӕр лӕппутӕй алкӕй дӕр снывонд кӕн Мӕнӕн; алы фыццаг гуырд дӕр – адӕймаг уа ӕви фос – Мӕн у».

Моисей адӕмӕн загъта: «Уӕ зӕрдыл дарут ацы бон – Мысырӕй, цагъарады хӕдзарӕй, уӕ рацыды бон. Хуыцау уӕ Йе стыр хъаруйӕ ракодта уырдыгӕй, ӕмӕ ӕнхъызт хойраг хӕргӕ нӕу.

Абон, Авивы мӕйы, цӕут Мысырӕй.

Ӕхсыр ӕмӕ мыд кӕм кӕлынц, уӕ фыдӕлтӕн ӕй раттынӕй Хуыцау кӕй тыххӕй сомы кодта, ханаанӕгты, хетты, аморрӕгты, хиввӕгты ӕмӕ иевусӕгты уыцы зӕхмӕ уӕ куы бакӕна, уӕд афӕдзы фыццаг мӕйы хъуамӕ ӕххӕст кӕнат ацы ӕгъдау:

Авд боны хӕрут донгонд дзултӕ, ӕвдӕм бон та – бӕрӕгбон Дунедарӕгӕн.

Донгонд дзултӕ хӕргӕ уын у уыцы авд боны; ӕмӕ уӕм ӕнхъизӕнӕй конд мацы разынӕд, уеппӕт зӕххыл уӕ цӕст ӕнхъизӕн ма фенӕд.

Уыцы бон радзурут уӕ фырттӕн: „Мысырӕй нӕ кӕй ракодта, уымӕй Дунедарӕг махӕн цы хорз сарӕзта, уый номыл у ацы бӕрӕгбон“.

Уыцы цау мысынӕн уый нысанау хъуамӕ ӕвӕрд уа уӕ къухтыл ӕмӕ уӕ тӕрныхтыл, Дунедарӕджы ацы ӕгъдауы тыххӕй дзургӕ у иудадзыг; уымӕн ӕмӕ Дунедарӕг сымах Йӕ стыр хъаруйӕ ракодта Мысырӕй.

Ӕмӕ ацы уагӕвӕрд ӕрвылаз ӕххӕст кӕнут йӕ афоныл.

Параллельные места

Исход 12:24

Исход 12:25

Уадз уый сымахӕн ӕмӕ уӕ байзӕддагӕн уӕд мыггагмӕ ӕххӕстгӕнинаг ӕгъдау. Ацы бон бӕрӕг кӕнут, Дунедарӕг уын зӕрдӕ цы зӕххӕй бавӕрдта, уымӕ куы бацӕуат, уӕд.

Сымахӕн ӕмӕ уӕ фыдӕлтӕн Хуыцау кӕй тыххӕй сомы кодта, ханаанӕгты уыцы зӕхмӕ уӕ куы бакӕна ӕмӕ уын ӕй куы ратта,

Уӕд Хуыцауӕн дӕттут алы хистӕр лӕппуйы дӕр; фосы алы фыццагзад дӕр Хуыцауы хъуамӕ уа.

Алы фыццагзад хӕрӕджы къӕлӕуы дӕр баивут уӕрыккӕй. Куы нӕ йӕ баиват, уӕд ын асӕттут йӕ бӕрзӕй. Алы хистӕр лӕппуйы дӕр балхӕнут Хуыцауӕй.

Ӕмӕ уӕ райсом уӕ фырттӕ куы бафӕрсой: „Ай цы у?“, уӕд сын зӕгъут: „Хуыцау нӕ Йӕ стыр хъаруйӕ ракодта Мысырӕй, цагъарады хӕдзарӕй.

Фараон куы ныффӕрск ӕмӕ нӕ куы нӕ уагъта, уӕд мысыраг зӕххыл Хуыцау фӕцагъта ӕппӕт фыццаг гуырдты – адӕймагӕй фосмӕ. Уымӕ гӕсгӕ мах Хуыцауӕн нӕ фосӕй нывонд хӕссӕм алы фыццаг нӕлы дӕр, ӕмӕ нӕ алы хистӕр фырты та ӕлхӕнӕм Хуыцауӕй“.

Уый нысанау уӕд уӕ къухтыл ӕмӕ уӕ ныхтыл уаццаджы бӕсты; уымӕн ӕмӕ Хуыцау мах Йӕ стыр хъаруйӕ ракодта Мысырӕй».

Фараон израилаг адӕмы куы ауагъта, уӕд сӕ Хуыцау цыбырдӕр фӕндагыл – филистимаг зӕххыл – нӕ ахуыдта. Уымӕн ӕмӕ Хуыцау загъта: «Хӕцын сӕ кӕй хъӕуы, уый адӕм куы феной, уӕд сӕм фӕсмон куы ӕрцӕуа ӕмӕ Мысырмӕ куы аздӕхой».

Ӕмӕ Хуыцау Йӕ адӕмы адзӕрӕг быдырыл дӕрдты акодта Сырх денджызмӕ. Израилаг адӕм Мысыры зӕххӕй рацыдысты гӕрзифтонгӕй, хӕстӕввонгӕй.

Моисей йемӕ раласта Иосифы стджытӕ; уымӕн ӕмӕ Иосиф куы марди, уӕд Израилы фырттӕн бафӕдзӕхста: «Хуыцау уӕм ӕркӕсдзӕн ӕнӕмӕнг, ӕмӕ мын ме стджытӕ ахӕсдзыстут ардыгӕй». Ӕмӕ сын ард бахӕрын кодта.

Израилаг адӕм араст сты Сокхофӕй, ӕмӕ асадӕны ӕрлӕууыдысты Ефамы, ӕдзӕрӕг быдыры кӕрон.

Фӕндаг сын амоныны тыххӕй Хуыцау бонӕй цыди сӕ разӕй ӕврагъы хуызӕн цӕджындзау, ӕхсӕвы та – судзгӕ цӕджындзау, цӕмӕй сын рухс кӕна, ӕмӕ цӕуой бон дӕр ӕмӕ ӕхсӕв дӕр.

Ӕврагъ бонӕй ӕмӕ судзгӕ цӕджындз ӕхсӕвы никуы ныууагътой адӕмы.

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода