Йесо Петры хӕдзармӕ куы бацыди, уӕд ын йӕ усы мады федта тӕвднизӕй сӕйгӕйӕ.
Ӕмӕ Йын тынг лӕгъстӕ кодта: «Мӕ чызг мӕлгӕ кӕны; ӕрцу ӕмӕ йыл ӕрӕвӕр Дӕ къухтӕ, цӕмӕй сдзӕбӕх уа ӕмӕ цӕра».
Хуыцау Павелы фӕрцы ӕвдыста ӕнахуыр диссӕгтӕ.
Рынчын уӕ исчи у? Фӕдзурӕд аргъуаны хистӕртӕм. Уыдон ӕй Хицауы номыл байсӕрддзысты зетийӕ ӕмӕ йын скувдзысты.
Уырнындзинады мидӕг йӕ тых кӕмӕн ис, уыцы куывдӕй сдзӕбӕх уыдзӕн рынчын, ӕмӕ йӕ Хицау рабадын кӕндзӕн. Ӕмӕ кӕд тӕригъӕдты бафтыди рынчын, уӕд ын сӕ ныббарстӕуыдзӕн.
Аннӕмӕн уыциу Уды руаджы – уырнындзинад; иннӕмӕн уыциу Уды руаджы – низтӕ дзӕбӕх кӕныны курдиат;
Ӕмӕ Хуыцау уыдонӕй иуты аргъуаны сӕвӕрдта фыццаджыдӕр апостолтӕй, дыккаджы – пехуымпартӕй, уый фӕстӕ – ахуыргӕнджытӕй; дарддӕр иутӕн радта диссӕгтӕ ӕвдисыны тых, низтӕй дзӕбӕх кӕныны, ӕххуыс кӕныны, разамынд дӕттыны, алыхуызон ӕвзӕгтыл дзурыны курдиат.