Книга Бытие Cтих 24 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Иосиф ӕрцыди фараонмӕ ӕмӕ йын загъта: «Мӕ фыд ӕмӕ ме 'фсымӕртӕ сӕ фысвос ӕмӕ стуртимӕ, цы сӕм ис, уыцы мулкимӕ ӕрцыдысты Ханааны зӕххӕй, ӕмӕ ныртӕккӕ сты Гесемы».

Иосиф йе 'фсымӕртӕй равзӕрста фондзы ӕмӕ сӕ ӕрлӕууын кодта фараоны раз.

Фараон ӕфсымӕрты бафарста: «Цавӕр куыстмӕ арӕхсут?» Уыдон ын дзуапп радтой: «Мах, дӕ цагъартӕ, нӕ фыдӕлтау, фыййӕуттӕ стӕм».

Фараонӕн ноджыдӕр загътой: «Мах ӕрцыдыстӕм ацы зӕххыл иуцасдӕр фӕцӕрынмӕ, уымӕн ӕмӕ дӕ цагъарты фосӕн сӕрвӕттӕ нал ис – Ханааны бӕстӕ тынг ӕххормаг у. Ӕмӕ дӕ ныр курӕм: дӕ цагъартӕн ратт Гесемы зӕххыл ӕрцӕрыны бар».

Фараон Иосифӕн загъта: «Дӕ фыд ӕмӕ де 'фсымӕртӕ дӕумӕ ӕрцыдысты.

Мысыры зӕхх дӕ разы ис. Тӕккӕ хуыздӕр зӕххыл ӕрцӕрын кӕн дӕ фыд ӕмӕ де 'фсымӕрты; ӕрцӕрӕд Гесемы. Кӕд се 'хсӕн арӕхстджын фыййӕуттӕ ис, уӕд сын мӕ фос бакӕн сӕ бӕрны».

Иосиф йӕ фыд Иаковы дӕр бахуыдта ӕмӕ йӕ базонын кодта фараонӕн; Иаков фараонӕн арфӕ ракодта.

Фараон бафарста Иаковы: «Цал азы дыл цӕуы?»

Иаков ын дзуапп радта: «Сӕдӕ ӕртын азы дӕн бӕлццон ацы зӕххыл. Мӕ царды бонтӕ цыбыр ӕмӕ тухӕйнаг уыдысты. Мӕ фыдӕлтӕ мӕнӕй фылдӕр фӕцардысты».

Иаков арфӕ ракодта фараонӕн ӕмӕ ацыд.

Иосиф йӕ фыд ӕмӕ йе 'фсымӕрты ӕрцӕрын кодта Мысыры, Рамсесы зылды, ӕмӕ сын уым радта хуыздӕр зӕххытӕ, фараон куыд бафӕдзӕхста, афтӕ.

Иосиф йӕ фыдӕн ӕмӕ йе 'фсымӕртӕн, йӕ фыды ӕппӕт хӕдзарӕн ӕмӕ сӕ алкӕмӕн дӕр хойраг лӕвӕрдта, кӕмӕ цал даринаджы уыди, уымӕ гӕсгӕ.

Ӕгас зӕххыл хойраг нал уыди; стонг афтӕ стыхджын, ӕмӕ сгӕвзыкк сты Мысыр дӕр ӕмӕ Ханаан дӕр.

Адӕм цы хор ӕлхӕдтой, уымӕй Иосиф ӕрӕмбырд кодта Мысыры ӕмӕ Ханааны ӕппӕт ӕхца ӕмӕ йӕ радта фараоны хӕдзармӕ.

Афтӕмӕй Мысыры дӕр ӕмӕ Ханааны дӕр ӕхца никӕмӕуал баззад. Уӕд мысырӕгтӕ сеппӕт дӕр ӕрцыдысты Иосифмӕ ӕмӕ йын загътой: «Ратт нын хор; ӕхца нӕм нал ис, ӕмӕ дӕ цӕсты раз ӕххормагӕй хъуамӕ амӕлӕм?»

Иосиф сын загъта: «Кӕд уӕм ӕхца нал ис, уӕд ӕртӕрут уӕ фос, ӕмӕ уын сӕ хойрагыл баивдзынӕн».

Уӕд уыдон Иосифмӕ тардтой сӕ фос, ӕмӕ сын сӕ бӕхты, сӕ фосы дзугты ӕмӕ рӕгъӕутты, сӕ хӕрджыты хыгъдмӕ лӕвӕрдта хойраг; Иосиф сӕ уыцы аз сеппӕт фосы хыгъдмӕ ӕфсӕста хорӕй.

Уыцы аз ахицӕн; инназ та йӕм ӕрцыдысты ӕмӕ йын загътой: «Дӕуӕй, нӕ хицау, ницы бамбӕхсдзыстӕм: не 'хца фӕци; нӕ фосы дзугтӕ дӕр дӕу баисты; дӕуӕн раттынӕн нӕм, нӕ хицау, нӕхицӕй ӕмӕ нӕ зӕххытӕй фӕстӕмӕ ницуал баззади.

Дӕ цӕстыты раз цӕмӕн хъуамӕ фесӕфӕм нӕхӕдӕг дӕр ӕмӕ нӕ зӕххытӕ дӕр? Нӕ зӕххытимӕ нӕ балхӕн хорӕй; нӕ зӕххытимӕ фараонӕн уыдзыстӕм цагъартӕ. Ды та нын ратт мыггаг, цӕмӕй баззайӕм удӕгасӕй ӕмӕ зӕхх раууатмӕ ма ӕрцӕуа».

Иосиф ӕппӕт мысыраг зӕхх балхӕдта фараонӕн. Мысырагӕй алчидӕр ауӕй кодта йӕ зӕххы хай, уымӕн ӕмӕ ӕххормагӕй сӕфтысты. Афтӕмӕй зӕхх баци фараоны.

Адӕмы та, Мысыры иу кӕронӕй иннӕмӕ, Иосиф скодта цагъартӕ.

Ӕрмӕст Мысыраг дины лӕгты зӕххытӕ нӕ балхӕдта; уымӕн ӕмӕ уыдон сӕ зӕххы хай фараонӕй истой, ӕмӕ цардысты, фараон сын цы хай радта, уымӕй; уымӕ гӕсгӕ сӕ зӕхх нӕ ауӕй кодтой.

Иосиф адӕмӕн загъта: «Ныр уын ӕз уӕхи дӕр ӕмӕ уӕ зӕхх дӕр балхӕдтон фараонӕн; мӕнӕ уын мыггаг, ӕмӕ байтаут хуым.

Хуымгӕрдӕнты рӕстӕг хоры фӕндзӕймаг хай дӕттут фараонӕн; иннӕ цыппар хайы та баззайдзысты уӕхицӕн – уӕ хуымтӕ тауынӕн, стӕй уӕхи, уӕ хӕдзаронты ӕмӕ уӕ цоты дарынӕн».

Параллельные места

Бытие 41:34

Фараон ӕппӕт бӕстӕйы сӕвӕрӕд хъусдарджытӕ, мысыраг зӕххыл хор тугыл куы аскъуыйа, уыцы авд азы дӕргъы тыллӕджы фӕндзӕймаг хай куыд ӕмбырд кӕной, афтӕ.

Уыдон ын загътой: «Ды нӕ бахызтай мӕлӕтӕй; уӕдӕ нӕ не 'лдары хорзӕх уӕд: мах фараонӕн уыдзыстӕм цагъартӕ».

Афтӕмӕй Иосиф Мысыры бӕстӕйы ӕрӕвӕрдта, абон дӕр ма йӕ тыхы чи ис, ахӕм ӕгъдау: зӕххы ӕппӕт бӕркады фӕндзӕймаг хай фараоны у: ӕрмӕст дины лӕгты зӕххы бӕркады фӕндзӕймаг хай нӕ, уымӕн ӕмӕ уыдоны зӕхх фараоны нӕ баци.

Израилӕгтӕ ӕрцардысты мысыраг зӕххыл, Гесемы; зӕхх уыди сӕхи, цот уагътой ӕмӕ тынг сбирӕ сты.

Иаков Мысыры фӕцард ӕвддӕс азы; ӕдӕппӕт та – сӕдӕ цыппор авд азы.

Израилӕн йӕ мӕлӕты афон куы ӕрхӕстӕг, уӕд басидт йӕ фырт Иосифмӕ ӕмӕ йын загъта: «Кӕд дӕ мӕнӕн хорзы бацӕуын фӕнды, уӕд дӕ къух ӕрӕвӕр мӕ сины рӕбын ӕмӕ мын дзырд ратт, дӕ хорзӕх мӕм кӕй равдисдзынӕ, уый тыххӕй – ма мӕ баныгӕн Мысыры.

Фӕлӕ мӕ фыдӕлтӕм куы аивгъуыйон, уӕд мӕ алас Мысырӕй, ӕмӕ кӕм ныгӕд сты, уым мӕ бафснай». Иосиф ын дзуапп радта: «Куыд мын загътай, афтӕ бакӕндзынӕн».

Иаков ын загъта: «Расомы кӕн». Иосиф куы расомы кодта, уӕд Иаков ӕрӕнцой кодта йӕ лӕдзӕгыл ӕмӕ ныллӕг акуывта.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода