Ӕрцӕрдзынӕ Гесемы зӕххыл. Дӕхӕдӕг ӕмӕ дӕ фырттӕ, дӕ фыртты цот, фысвос ӕмӕ стуртӕ – уеппӕт дӕр уыдзыстут мӕ фарсмӕ.
Ханааны цы фос ӕмӕ мулк ӕрбамбырд кодтой, уыимӕ Иаков ӕмӕ йӕ байзӕддӕгтӕ ӕрцыдысты Мысырмӕ.
Стӕй Иаковӕн Мысыры чи райгуырди, уыцы дыууӕ фырты. Афтӕмӕй Мысырмӕ чи ӕрцыд, Иаковы уыцы бинонтӕ уыдысты дӕс ӕмӕ ӕртиссӕдз адӕймаджы.
Ӕмӕ израилӕгтӕн сӕргъы сӕвӕрдтой хицӕуттӕ; уыдон сӕ ӕфтыдтой тӕккӕ уӕззаудӕр куыстытыл, хъизӕмарӕй сӕ мардтой. Ӕмӕ хор ӕфснайынӕн израилӕгтӕ фараонӕн сарӕзтой Пифомы ӕмӕ Раамсесы сахартӕ.
Израилаг адӕм фистӕгӕй, ӕхсӕзсӕдӕ мин нӕлгоймаджы бӕрц, сывӕллӕтты нӕ нымайгӕйӕ, Раамсесӕй араст сты Сокхофмӕ.