Книга Бытие Cтих 29 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Дыууӕ азы фӕстӕ фараон федта фын: лӕууы Нилы цӕугӕдоны былыл.

Кӕсы ӕмӕ цӕугӕдонӕй рацыдысты рӕсугъд ӕмӕ хӕрзхаст авд хъуджы, ӕмӕ хызтысты хъӕзы.

Цӕугӕдонӕй сӕ фӕдыл рацыдысты тӕнхауд ӕмӕ мӕллӕг авд хъуджы, ӕмӕ цӕугӕдоны былыл ӕрлӕууыдысты иннӕ хъуццыты фарсмӕ.

Тӕнхауд ӕмӕ мӕллӕг хъуццытӕ бахордтой рӕсугъд ӕмӕ хӕрзхаст авд хъуджы. Ӕмӕ фараон райхъал.

Фараон та бафынӕй ӕмӕ федта ӕндӕр фын: кӕсы ӕмӕ иу мӕнӕуы зӕнгыл ӕрзад авд дзагнӕмыг ӕфсиры.

Уыдоны фӕстӕ ӕрзади, скӕсӕйнаг дымгӕ кӕй басыгъта, ахӕм авд хуыскъ ӕфсиры.

Ӕмӕ хуыскъ ӕфсиртӕ аныхъуырдтой дзагнӕмыг авд ӕфсиры. Фараон райхъал; ахӕм уыди йӕ фын.

Куы сбон, уӕд фараон ӕнцой нал зыдта. Арвыста Мысыры ӕппӕт дӕснытӕм ӕмӕ ӕппӕт зондылӕгтӕм фӕдзурынмӕ. Радзырдта сын йӕ фынтӕ, фӕлӕ йын сӕ чи райхӕлдтаид, ахӕм дзы нӕ разынд.

Уӕд хистӕр сӕндар загъта фараонӕн: «Ныр мӕ тӕригъӕд ӕрлӕууыди мӕ зӕрдыл.

Фараон кӕддӕр смӕсты йӕ цагъартӕм; мӕн ӕмӕ хистӕр дзулфыцӕджы ӕрцахста ӕмӕ нӕ бакодта йӕ хъахъӕнджыты хистӕры хӕдзары.

Нӕ дыууӕ дӕр уыциу ӕхсӕв федтам фынтӕ – нӕ иуы фын иннӕйы фыны хуызӕн нӕ уыд.

Уым немӕ уыд ӕрыгон дзуттаг, хъахъӕнджыты хистӕры цагъар. Мах ын радзырдтам нӕ фынтӕ, ӕмӕ нын сӕ райхӕлдта; загъта нын, алкӕмӕн дӕр нӕ йӕ фын цы амоны, уый.

Ӕмӕ хабар рауад, куыд нын сӕ райхӕлдта, афтӕ: мӕн сӕвӕрдтой мӕ раздӕры бынаты, иннӕйы та ӕрцауыгътой».

Фараон арвыста Иосифмӕ, ӕмӕ йӕ ӕвӕстиатӕй ракодтой ахӕстонӕй. Йӕ сӕр алвыдта, раивта йӕ дарӕс ӕмӕ бацыди фараонмӕ.

Фараон загъта Иосифӕн: «Ӕз федтон фын, ӕмӕ йӕ райхалын никӕй бон у. Дӕу тыххӕй та фехъуыстон, дӕ бон у фынтӕ райхалын, зӕгъгӕ».

Иосиф дзуапп радта фараонӕн: «Ӕз нӕ, фӕлӕ Хуыцау ратдзӕни дзуапп фараоны хорзӕхӕн».

Фараон Иосифӕн радзырдта: «Ӕз федтон фын: лӕууын Нилы цӕугӕдоны былыл.

Кӕсын ӕмӕ цӕугӕдонӕй ссыдысты рӕсугъд ӕмӕ хӕрзхаст авд хъуджы, ӕмӕ хызтысты хъӕзы.

Кӕсын ӕмӕ сӕ фӕдыл цӕугӕдонӕй ссыди стӕгдарау мӕллӕг ӕмӕ тӕнхауд авд хъуджы. Уыдоны хуызӕн мӕллӕг хъуццытӕ ӕппӕт мысыраг зӕххыл ӕз никуы федтон.

Мӕллӕг ӕмӕ тӕнхауд хъуццытӕ бахордтой, раздӕр цы хӕрзхаст авд хъуджы рацыди, уыдоны.

Хӕрзхаст хъуццытӕ аивгъуыдтой сӕ хуылфмӕ, фӕлӕ сӕ хуылфмӕ кӕй ацыдысты, уый сыл нӕ фӕзынди – раздӕрау уыдысты тӕнхауд. Ӕмӕ ӕз райхъал дӕн.

Уый фӕстӕ та фыны федтон: кӕсын ӕмӕ иу мӕнӕуы зӕнгыл ӕрзад авд дзагнӕмыг ӕфсиры.

Кӕсын ӕмӕ уыдоны фӕстӕ ӕрзади, скӕсӕйнаг дымгӕ кӕй басыгъта, ахӕм авд хуыскъ ӕфсиры.

Ӕмӕ хуыскъ ӕфсиртӕ аныхъуырдтой авд хорз ӕфсиры. Ӕз уыцы фынтӕ радзырдтон дӕснытӕн, фӕлӕ мын сӕ ничи райхӕлдта».

Иосиф загъта фараонӕн: «Фараон фыны цытӕ федта, уыдон иу фын сты; Хуыцау цы саразинаг у, уый равдыста фараонӕн.

Авд хӕрзхаст хъуджы сты авд азы; авд хорз ӕфсиры дӕр сты авд азы; уый иу фын у.

Хӕрзхаст хъуццыты фӕдыл цы тӕнхауд ӕмӕ мӕллӕг хъуццытӕ рацыд, уыдон сты авд азы; скӕсӕйнаг дымгӕ цы авд ӕфсиры басыгъта, уыдон та сты авд ӕххормаг азы.

Уымӕ гӕсгӕ загътон ӕз фараонӕн: „Хуыцау цы саразинаг у, уый равдыста фараонӕн“.

Ӕппӕт мысыраг зӕхмӕ ӕрцӕуынц, хор тугыл кӕд аскъуыйдзӕн, ахӕм авд азы.

Параллельные места

Бытие 41:47

Хорджын авд азы дӕргъы хоры иу нӕмыг лӕвӕрдта армыдзаг.

Уыдоны фӕстӕ ралӕудзысты авд ахӕм ӕххормаг азы, ӕмӕ ӕппӕт мысыраг зӕххыл ферох кӕндзысты раздӕры бӕркад; ӕххормаг азты сафтид уыдзӕни бӕстӕ.

Бӕстӕйы бирӕ хор кӕд уыдис, уый ферох уыдзӕн, йӕ фӕстӕ цы стонг рӕстӕг скӕндзӕн, уый аххосӕй; уымӕн ӕмӕ стонг рӕстӕг тынг карзӕй равдисдзӕн йӕхи.

Фараон фын дыууӕ хатты кӕй федта, уый та ууыл дзуры, ӕмӕ уыцы хъуыддаг Хуыцауӕй у, ӕмӕ йӕ рӕхджы бакӕндзӕни.

Ныр фараон ссарӕд арӕхстджын ӕмӕ зондджын лӕджы, ӕмӕ йӕ сӕвӕрӕд ӕппӕт мысыраг зӕххы сӕргъы.

Фараон ӕппӕт бӕстӕйы сӕвӕрӕд хъусдарджытӕ, мысыраг зӕххыл хор тугыл куы аскъуыйа, уыцы авд азы дӕргъы тыллӕджы фӕндзӕймаг хай куыд ӕмбырд кӕной, афтӕ.

Фидӕны хорджын азты ӕмбырд кӕнӕнт ӕппӕт хор, ӕмӕ йыл ӕрмӕстдӕр фараоны бар куыд цӕуа, афтӕмӕй йӕ хойрагӕн ӕфснайдӕй дарӕнт сахарты.

Уыцы хойраг ӕфснайд уӕд фӕстауӕрцӕн, цӕмӕй, мысыраг зӕххыл авд ӕххормаг азы куы ралӕууой, уӕд бӕстӕ ӕххормагӕй ма фӕцагъды уа».

Уыцы ныхӕстӕ фӕцыдысты фараоны ӕмӕ йӕ фӕсдзӕуинты зӕрдӕмӕ.

Уӕд фараон йӕ фӕсдзӕуинтӕн загъта: «Ацы адӕймаг Хуыцауы Удӕй хайджын у. Мах ӕндӕр ахӕм адӕймаг ссардзыстӕм?»

Ӕмӕ фараон Иосифӕн загъта: «Ӕппӕт уыдӕттӕ Хуыцау кӕд дӕуӕн раргом кодта, уӕд дӕуӕй ӕмбаргӕдӕр ӕмӕ зондджындӕр нӕй.

Ӕз дӕ ӕвӕрын мӕ хӕдзары сӕргъы, дӕ ныхасмӕ хъусдзысты мӕ адӕм ӕгасӕй дӕр. Ӕз паддзахы къӕлӕтджыны кӕй бадын, ӕрмӕст уымӕй уыдзынӕн дӕуӕй уӕлдӕр».

Фараон Иосифӕн загъта: «Мӕнӕ дӕ ӕз ӕвӕрын ӕппӕт мысыраг бӕстӕйы сӕргъы».

Фараон йе 'нгуылдзӕй рафтыдта йӕ къухдарӕн, бакодта йӕ Иосифы ӕнгуылдзыл, сфӕлыста йӕ зынаргъ хъуымацӕй хуыд дарӕсӕй, йӕ хъуырыл ын ӕрцауыгъта сыгъзӕрин рӕхыс.

Фараон радта бардзырд, цӕмӕй Иосифы ласой паддзахады дыккаг хӕстон бӕхуӕрдоныл, адӕм цӕуой йӕ разӕй ӕмӕ хъӕр кӕной: «Ӕрхаут уӕ зонгуытыл!» Ӕмӕ фараон Иосифы сӕвӕрдта ӕппӕт мысыраг зӕххы сӕргъы.

Фараон загъта Иосифӕн: «Ӕз фараон дӕн, фӕлӕ ӕппӕт мысыраг зӕххыл де 'вастӕй йӕ къух кӕнӕ йӕ къах дӕр ничи атилдзӕни».

Фараон Иосифы схуыдта Цафнафпанеах, ӕмӕ йын радта Оны сахары дины лӕг ПотиФеры чызг Асенафӕйы. Ӕмӕ Иосиф араст ӕппӕт мысыраг зӕххыл ӕрзилынмӕ.

Иосиф Мысыры паддзахы, фараоны, кусӕг куы сси, уӕд ыл цыди дӕс ӕмӕ ссӕдз азы. Иосиф рацыди фараонӕй ӕмӕ ӕрзылд ӕппӕт мысыраг зӕххыл.

Хорджын авд азы дӕргъы хоры иу нӕмыг лӕвӕрдта армыдзаг.

Ӕмӕ ӕппӕт мысыраг зӕххыл уыцы авд азы цы тыллӕг уыдис, уый Иосиф ӕмбырд кодта ӕмӕ йӕ ӕфснайдта сахарты; алы сахары дӕр ӕфснайдта йӕ алфамбылайы зӕххыты хор.

Иосиф цы хор бафснайдта, уый уыди денджызон змисау бирӕ, ӕмӕ йӕ нал хыгъта, уымӕн ӕмӕ йӕ бахынцын никӕй бон уыд.

Цалынмӕ ӕххормаг азтӕ нӕ райдыдтой, уӕдмӕ Оны сахары дины лӕг ПотиФеры чызг Асенафӕ Иосифӕн ныййардта дыууӕ фырты.

Иосиф йӕ хистӕр фыртыл сӕвӕрдта ном – Манассиа, ӕмӕ загъта: «Хуыцауы уынаффӕйӕ мӕнӕй ферох сты меппӕт зынтӕ ӕмӕ мӕ фыды хӕдзар».

Йӕ дыккаг фыртыл та сӕвӕрдта ном – Ефрем, ӕмӕ загъта: «Мӕ хъизӕмӕртты бӕстӕйы мын Хуыцау радта цот дӕр».

Мысыры зӕххыл хор тугыл куы аскъуыд, уыцы авд азы ахицӕн сты,

Ӕмӕ райдыдтой авд ӕххормаг азы, Иосиф развӕлгъау куыд загъта, афтӕ. Ӕппӕт иннӕ бӕстӕтӕ уыдысты ӕххормаг; ӕрмӕст ӕгас мысыраг бӕстӕйы уыди хор.

Ӕппӕт Мысыр дӕр ӕххормаг ӕййафын куы райдыдта, уӕд адӕм лӕгъстӕ райдыдтой фараонӕн хойраджы тыххӕй. Ӕмӕ фараон ӕппӕт мысырӕгтӕн дӕр загъта: «Ацӕут Иосифмӕ, ӕмӕ уын цы зӕгъа, уый бакӕнут».

Ӕххормаг куы анхъӕвзта ӕппӕт бӕстӕтыл, уӕд Иосиф байгом кодта хордӕттӕ, ӕмӕ байдыдта мысырӕгтӕн хор уӕй кӕнын. Мысыраг зӕххыл та стонг кодта карзӕйкарздӕр.

Ӕппӕт бӕстӕтӕй цыдысты Мысырмӕ, Иосифӕй хор балхӕнынмӕ – ӕппӕт дунейы скодта ӕбуалгъы стонг рӕстӕг.

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода