Книга Псалтирь Cтих 81 | Параллельные места

Агъылып турагъан сувлагъа бозаргъан марал йимик, мени жаным да Сагъа бозарып тура, Аллагьым! Къатты Аллагьгъа гьасиретдир жаным мени. Къачан гелип, Аллагьымны алдында токътар экенмен мен! Раббибизни ибадатханасыны абзарларына гьасирет къалып, гьалсыз болуп битди жаным мени. Юрегим де, къаркъарам да гьакъ Аллагьгъа багъып талпынып тура мени. Умут этермен къутгъарылывунга Сени, Раббим, кютермен буйрукъларынгны да Сени.

Сени ваъдангны къаравуллай туруп, гьалсыз болуп бара гёзлерим мени. «Къачан гёнгюмню аларсан мени?» – деймен мен.

Тютюнню ичиндеги тулукъдай болуп къалдым мен, амма Сени къанунларынгны чы унутмадым мен.

Дагъы да нечакъы заман къарап турма тарыкъман мен, къулунг Сени? Къачан этерсен дуванынгны гьызарлап юрюйгенлеге мени?

Сени Къанунунга тергев бермедилер олар, къую къазып токътадылар оьктемлер магъа.

Инамлыдыр бары да буйрукъларынг Сени; адилсиз кюйде гьызарлап туралар мени; кёмек этип къой чу магъа.

Аз къалдылар дагъытып къойма ер юзюнде мени, амма арт чы бермедим къанунларынга Сени.

Оьзюнгдеги зор сююв булан аманлыкъда сакълап къой чу мени, кютюп турарман мен де авзунгдан чыкъгъан буйрукъларынгны Сени.

Даимгедир, Раббим, токъташдырылгъаны кёклерде Каламынг Сени.

Наслудан наслугъа етип турар аминлигинг Сени. Сенсендир ер юзюн амалгъа гелтирген, токътап тура шо да.

Гьали болгъунча токътап тура къанунларынг, неге тюгюл де Сагъадыр бары да затны къуллукъ этегени.

Къайгъыгъа батып оьлюп къалар эдим мен, эгер де Къанунунгдан къанып турмагъан эдим буса мен.

Бир де унутмасман дагъы къанунларынгны Сени, неге тюгюл де шолар буландыр Сен аманлыкъда сакълап турагъанынг мени де.