– Мени бу дюньядагъы яшавлукъ ёлума юз отуз йыл болуп тура. Шо кёп тюгюл, тек шо яшавлукъ ёлум къыйын йыллар эди. Мени ата-бабаларым яшагъан йыллар булан тенглешдиргенде, бу йыллар бир зат да тюгюл, – деп жавап бере Якъуб.
Эшит дагъы, Раббим, дуамны, къулакъ ас дагъы агь урувума да, сесленмей къалма дагъы гёзьяшларыма да. Неге тюгюл де, яяваякъ ёлавчунгмандыр мен Сени, бары да ата-бабаларым йимик гелгинчи де дюрмендир мен.
Шо саялы биз даим хошлубуз, дюньядагъы къаркъарабызда яшап турагъан чакъы, Раббибизден йыракъда экенибизни билебиз.
Бу адамлар оьзлеге Аллагь ваъда этген затланы алмайлы, тек иманын сакълап оьлюп гетдилер. Аллагь ваъда этген затланы олар яшавгъа чыгъып битгенче де, алдын къарап гёрдюлер ва олардан къувандылар. Олар бу дюньяда янгыз ёлавчулар ва къонакълар экенин къабул гёрдюлер.