Сынап къара мени, Раббим, тергеп де къара мени; тергеп къара гьакъылымны да, юрегимни де мени.
Муна, кёмекчимдир Аллагь мени, жанымны беклешдирип турадыр Ол.
Насиплидир оьзюне Якъубну Аллагьы кёмек этеген, Раббибизге, оьзюню Аллагьына умут этеген инсан.
Шо умут бизин алдатмай, неге тюгюл Аллагьны бизге берилген Ругьундан таба юреклерибизни сюювден толтура.
Сыйлы Язывларда булай язылгъан: Муна, Мен Сионда бир таш къояман. О Ташгъа сюрюнерлер, О саялы йыгъыларлар. Амма Огъар иман салгъан уялмас.
Сыйлы Язывларда: «Огъар иман салагъан адам уялмас», – деп язылгъан.