Книга Притчи Cтих 21 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Притчи Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Сулейманны айтывлары. Гьакъыллы авлет атасына къуванчдыр, авлия авлет буса анасына дертдир.

Гьарам байлыкълар хайыр гелтирмес, гертилик буса оьлюмден къутгъарар.

Гьалал адамны Раббибиз ач болма къоймас, амма намуссузланы сутурлугъун гери урар.

Эринчек ярлы болар, гьаракатчы буса бай болар.

Яйда жыягъан англавлудур, оракъны заманында юхлагъан биябурдур.

Гьалал адам берекетли болар, намуссузланы сёзлеринде буса зулму яшырылгъандыр.

Гьалал адам оьзюнден сонг яхшы эсделик къояр, намуссузланы буса аты тез унутулар.

Гьакъыллыны юрегинде насигьатлар болар, авлияны авзу буса балагь гелтирер.

Тюз ёл тутгъан парахат болар, терс ёлгъа тюшген буса такъсырланар.

Гёзлерин ойнатагъан гьёкюнч гелтирер, агьмакъны тили буса балагь гелтирер.

Гьалал адамны сёзлери яшав береген булакъдыр, намуссузланы сёзлеринде буса зулму яшырылгъандыр.

Оьчлюк эришивлюклер тувдурар, амма сююв бары да гюнагьланы басылтар.

Англавлуну сёзюнде гьакъыл болар, амма томакълар такъсырланар.

Гьакъыллылар билимни аяп сакълар, амма авлияны сёзлери балагь гелтирер.

Барлыкъ байланы беклик йимик сакълар, ёкълукъ буса пакъырланы дагъытар.

Гьалал адамны ишлери яшав гелтирер, намуссузнуки буса гюнагь гелтирер.

Насигьатгъа тынглагъан яшавну ёлундадыр, айып этивлени гери ургъан буса адашар.

Оьчлюкню яшырып айланагъан ялгъан сёйлер, айтды-къуйтдуну юрютеген де авлиядыр.

Кёп сёйлейгенде гюнагьдан къутулмакълыкъ ёкъдур, сёйлемей тургъан адам буса англавлудур.

Гьалал адамны сёзю сайлап алынгъан гюмюш йимикдир, намуссузну юреги буса тарыкъсыз затдыр.

Гьалал адамны сёзлери кёплени къоруп сакълар, томакълар буса оьзлени англавсузлугъундан оьлюп гетер.

Параллельные места

Притчи 5:23

От Матфея 12:35

Тарбиясы етишмейгенликден о оьлюп къалар, артыкъ даражадагъы агьмакълыгъы ону адашдырып къояр. Яхшы адам юрегини яхшы хазнасындан яхшы затлар чыгъарыр. Яман адам буса юрегини яман хазнасындан яман затлар чыгъарыр.

Раббибизни рагьмусу сагъа байлыкъ гелтирер, ону булан сен къайгъы не зат экенни билмей къаларсан.

Авлиягъа жинаятчы иш йыбанч йимикдир, англавлу адамгъа буса гьакъыл хас болар.

Намуссузну къоркъагъан заты гелип башына къобар, гьалал адамланы муратлары буса яшавгъа чыгъар.

Шайтан ел чыкъгъандокъ, намуссуз болмагъандай болуп къалар, гьалал адам буса бегинден токътап турар.

Эринчек булан иш тутмакъ уртлангъан ханц, гёзлеге урунагъан тютюн йимикдир.

Раббибизден къоркъмакъ оьмюр къошар, намуссузланы оьмюрю буса къысгъа болар.

Гьалал адамланы къуванчлыкъ къаравуллар, намуссузланы хыяллары буса болмагъандай болуп къалар.

Раббибизни ёлу таза адамлагъа бекликдир, намуссузлукъ этегенлеге буса къоркъунчлукъдур.

Гьалал адам гьеч бир де бюдюремес, намуссузлар буса ер юзюнде яшап къалмас.

Гьалал адамны авзундан гьакъыл чыгъар, зараллы тил буса гесилип ташланар.

Гьалал адамны авзундан багъыйлы сёз чыгъар, намуссузланы авзундан буса къайдагъы пасат сёз чыгъар.

← Предыдущая

Притчи

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Выбор основного перевода