Книга Бытие Cтих 11 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Аллагь Нугьну, ону булан бирче гемеде болгъан уьй ва къыр жанланы эсге ала. Аллагь ер юзюнде ел чыгъара ва сувлар аз болма башлай.

Терен сувланы алды бегиле, кёк ябыла, янгурну явагъаны токътай.

Астаракъ ер юзюнден сув тайма башлай. Юз элли бешинчи гюн сув кемиме башлай.

Еттинчи айны он еттинчи гюнюнде геме Арарат тавланы уьстюнде токътай.

Йылны онунчу айы етишгенче, сув астаракъ артгъа тартылып тура. Онунчу айны биринчи гюнюнде тавланы башлары гёрюне.

Къыркъ гюн оьте. Оьзю этген терезени ачып,

Нугь къыргъа къаргъаны учура. Ер юзю къуругъунча, къаргъа бир учуп гетип, бир де къайтып гелип тура.

Арты булан Нугь сув алыв битгенми экен деп, гёгюрчюнню йибере.

Тек гёгюрчюн къонма ер тапмай, къайтып геле, неге тюгюл ер юзю сувну тюбюнде къалып тура болгъан. Къолун узатып, Нугь гёгюрчюнню гемеге ала.

Етти гюнден сонг Нугь гёгюрчюнню янгыдан учуруп йибере.

О ахшам авзунда зайтун терекни янгы болгъан япырагъы да булан къайтып геле. Шо заман Нугь сув алыв токътагъанны англай.

Параллельные места

От Матфея 10:16

Муна, Мен сизин бёрюлени арасына къойланы йимик йиберемен. Гьасили, йыланлар йимик гьакъыллы, гёгюрчюнлер йимик гьилласыз болугъуз.

Дагъы да етти гюн токътап, о гёгюрчюнню янгыдан учура, о буса дагъы къайтып гелмей.

Нугьну оьмюрюню алты юз биринчи йылында, биринчи айны биринчи гюнюнде сув кемий. Нугь гемени ача ва ер юзюнден сув тайгъанны гёре.

Экинчи айны йигирма еттинчи гюнюнде ер юзю къуруй.

Шо заман Аллагь Нугьгъа булай дей:

– Къатынынгны, уланларынгны ва уланларынгны къатынларын да алып, гемеден чыкъ.

Бары жанланы да: къушланы, гьайванланы, ерде юрюп айланагъан жанланы чыгъар. Олар ер юзюн толтуруп къойсун, олар яйылып артып тербесин.

Нугь да уланлары, къатыны, уланларыны къатынлары булан гемеден чыгъалар.

Ону арты булан ер юзюнде яшайгъан бары гьайванланы, ерде юрюп айланагъан бары жанланы, бары къушланы гьар жынсы чыгъалар.

Сонг Нугь Раббибизге къурбанлыкъны салагъан ер къура, гьалал этилген жанланы ва къушланы гьар жынсындан яллатып къурбан эте.

Къурбанлыкълардан гелеген арив ийислени сезе туруп, Раббибиз Оьз-оьзюне булай дей: – Энниден сонг инсанлар себеп болуп, Мен топуракъны налатламажакъман. Тап жагьил чагъындан тутуп оланы ойлары яманлыкъгъа бакъгъан буса да, Мен дагъы бары жанлы затны ёкъ этмежекмен.

Дюнья бар чакъы чачыв ва орув, сувукъ ва яллав, яз ва къыш, гюн ва гече болуп туражакъ.

← Предыдущая

Бытие

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода