Книга Бытие Cтих 22 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Юсуп къуллукъчуларыны арасында дагъы чыдап болмай. – Барыгъыз да чыгъыгъыз! – деп къычыра Юсуп. Янындан бары да халкъ тайгъан сонг, Юсуп агъаларына, инисине оьзю ким экенин ачыкъ эте.

Тек о шонча да гючлю йылай чы, гьатта мисрилилер эшитип, хабарны пачагъа етишдирелер.

– Мен Юсупман. Атабыз сав-саламатмы? – дей о агъа-инилерине. Олар буса, бир сёз де айтма болмай токътайлар, неге тюгюл бек къоркъалар.

– Ювукъ гелигиз, – дей Юсуп. Агъа-инилери ювукъ гелелер. Юсуп булай дей: – Мен Юсупман. Сиз Мисриге сатгъан инигизмен.

Тек къыйналмагъыз, гьёкюнмегиз шо ишигиз саялы. Мени мунда сизин къутгъармакъ учун Аллагь йиберди.

Ачлыкъ узатылып турагъаны эки йыл болуп тура. Дагъы да беш йылны узагъында не сюрюв, не орув болмажакъ.

Ер юзюнде сизин гьайран кюйде къутгъарсын, наслуларыгъыз сав къалсын учун, мени мунда сизден алда Аллагь йиберди.

Тап шолай, сиз тюгюл, Аллагь йиберди мени мунда. О мени пачаны маслагьатчысы, ону бары да затыны бийи, бютюн Мисри топуракъгъа гьаким этди.

Атамны ягъына алгъасагъыз, огъар булай деп айтыгъыз: «Сени уланынг Юсуп шулай деп айта: Аллагь мени бютюн Мисриге гьаким этди. Тезлик булан мени ягъыма етиш.

Сен уланларынг, уланларынгны яшлары булан, бары гьайван-малынг, бары малынг-матагьынг булан мени ювугъумда, Гошен топуракъда ерлешерсен.

Шонда мен сени яшавунгну не сен, не сени ожагъынг, не сени гьайван-малынг тарчыкъгъа тарымасдай онгарарман, неге тюгюл энниден сонг дагъы да беш йыл ачлыкъ болуп туражакъ».

Юсуп булай давам эте: – Сиз де, иним Бениямин де сизин булан мен, инигиз, сёйлейгенни оьзюгюз гёрюп турасыз чы.

Атама Мисриде мени нечик абурум барны, шунда гёрген бары да затны гьакъында хабарлагъыз. Тезлик булан атабызны мунда гелтиригиз.

О иниси Бенияминни къучакълап йылай. Ону къучакълап, Бениямин де йылай.

Сонг Юсуп йылай туруп, бары да агъаларын да къучакълай, оьбе. Сонг олар ону булан сёйлемеге гиришелер.

Юсупну агъалары, иниси гелген деген хабар пачагъа етише. Пача ва ону вазирлери сююнелер.

Пача Юсупгъа булай дей: – Агъаларынга, ининге эшеклерин де ерлеп, Гьанангъа барсын деп айт.

Атагъызны да, оьзлени агьлюлерин де гелтирсинлер. Мен олагъа Мисриде бар бары да тизив затны бережекмен. Бизин топуракъны берекетинден леззет алсынлар!

Олагъа Мисриден яшлар, къатынлар учун ат арбалар алсын деп айт. Олар оьзлер булан атасын да гелтирсинлер.

Олар онда къалгъан мал-матагьыны гьакъында ойлашмасынлар. Мунда оланы Мисриде бар инг тизив затлары болажакъ!

Исрайылны уланлары шолай этме де этелер. Юсуп олагъа пача буюргъан кюйде ат арбалар, ёлгъа азыкъ,

ва гьарисине янгы гийим бере. Бенияминге о уьч юз гюмюш акъча ва беш янгы гийим бере.

Параллельные места

Бытие 43:34

Юсуп олагъа оьзюню тепсисинден ашлар йибере. Бенияминге буса оьзгелеринден беш керен артыкъ бере. Олар Юсуп булан тойгъунча ашап-ичелер.

О атасына, он эшекге де юклеп, Мисрини ниъматларындан йибере. Дагъы да он эшекге юклеп, ёлгъа ашлыкъ, экмек ва башгъа азыкъ йибере.

О агъалары, иниси булан савболлаша туруп, булай дей: – Ёлда эришмегиз!

Мисриден чыгъып, олар атасыны янына Гьанангъа къайталар.

– Юсуп сав. О гьали бютюн Мисриге гьакимлик этип тура, – дей олар Якъубгъа. Якъубну юреги титиреп гете. О инанып битмей.

Амма уланлары огъар Юсупну сёзлерин айталар. Оьз гёзлери булан о Юсуп оьзюн гелтирсин деп йиберген ат арбаланы гёре. Шо заман Исрайыл, ругьланып йиберип:

– Яхшы, буса! Уланым Юсуп гьали де савму? Мен оьлгюнче, барып ону булан гёрюшейим, – дей.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода