Сонг къайтып айлы болуп, бирдагъы улан таба. – Эрим мени сюймейгенни Раббим эшитди, магъа бирдагъы улан берди! – дей о. Уланына о Симон деп къоя.
Сонг къайтып айлы болуп, дагъы да улан таба. – Гьали энни чи эрим магъа исинежек. Мен огъар уьч улан тапдым чы! – дей о. Уланына о Левий деп къоя.
Сонг Лия къыз таба ва огъар Дина деп къоя.
Симон, Левий – агъа-инилер, оланы къылычлары вагьшиликни савутудур!
Мен олар булан тилбир болмасман, оланы жыйыны булан да гьеч аралыгъым болмас. Къазапланып, олар адамланы оьлтюрдюлер, йыбанч учун да оьгюзлени параладылар.
Налат болсун оланы шо вагьши оьчлюгюне де, шо къагьрулу къазапланывуна да! Оланы Якъубну уланларыны арасында яйып къоярман, Исрайылны уланларыны арасында да чачып къоярман!