Книга Бытие Cтих 24 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Якъубну Лиядан болгъан Дина деген къызы ерли къызланы ягъына деп бара.

Шо элни гьакими гьивейли Гьаморну уланы Шегьем Динаны гёре, ону тутуп, гюч булан ону хорлай.

О Якъубну къызы Динаны сююп, ону ушатып къоя, арив сёзлер сёйлей.

Атасы Гьаморгъа: – Шо къызны магъа къатын этип ал, – дей.

Якъуб къызы Дина хорлангъанны биле. Шо вакътиде ону уланлары авлакъда гьайван-мал сакълап тура болгъанлар. Олар гелгинче, Якъуб бир зат да этмей тура.

Шегьемни атасы Гьамор Якъубну ягъына сёйлеме деп геле.

Шо заман буса Якъубну уланлары болгъан ишни де англап, уьюне къайтып тура болгъанлар. Олар тазза къазапланып, оьчленип тура болгъанлар, неге тюгюл де Якъубну къызын хорламакъ – Исрайыл учун уллу биябурлукъ: шолай этме ярамас!

Гьамор булай дей: – Уланым Шегьем сени къызынгны сююп къалгъан. Ону уланыма къатын этип беригиз!

Биз сизин булан къардаш боларбыз, сизин къызларыгъызны бизинкилеге къатынлар этип берерсиз, бизин къызларыбызны сизинкилеге къатынлар этип аларсыз.

Бизин булан бирче яшап къалыгъыз, уьлкебиз сизин алдыгъызда тура. Мунда да ерлешип, эркин кюйде айланып, топуракълагъа ес болуп боласыз.

Шегьем оьзю буса Динаны атасына ва эркъардашларына булай дей: – Рагьму этигиз, мен сизге не айтсагъыз да бережекмен!

Лап уллу къалымны, лап багьалы савгъатланы токъташдырыгъыз. Сиз айтгъан бары да затны бережекмен, тек сиз шо къызны магъа къатын этип беригиз.

Шогъар Якъубну уланлары Шегьемге ва ону атасы Гьаморгъа гьилла булан жавап бере, неге тюгюл де Шегьем оланы къызардашы Динаны хорлагъан.

– Биз шону этип болмайбыз. Къызардашыбызны сюннет этилинмеген эргишиге бермек бизин учун биябурлукъ болажакъ.

Янгыз бир шарт булан, демек, эгер де сизин эргишилеригиз бизин йимик сюннет этилинсе, биз рази болажакъбыз.

Шо заман биз сизге къызларыбызны бережекбиз, оьзюбюз де сизин къызларыгъызны алажакъбыз. Биз де сизин булан яшап, бир халкъ болуп къалажакъбыз.

Эгер де сиз бизге тынгламай, оьзюгюзге сюннет этдирмесегиз, къызыбызны да алып гетебиз, – дей олар.

Гьамор да, Шегьем де салынгъан шо шартлагъа рази болалар.

Шегьем чалтлыкъда олар айтгъан затны кютме башлай, неге тюгюл де Якъубну къызын сюе болгъан. Шегьемни атасыны ожагъында инг де кёп абуру болгъан.

Олар шагьарны къапуларына багъып баралар. Шо ерде шагьарны жыйынлары оьтгериле болгъан. Гьамор ва Шегьем шагьарлылагъа булай дей:

– Бу адамлар парахатлыкъ булан гелген. Олар бизин топуракъда ерлешип, онда эркин кюйде айлансынлар. Олар учун да ерлерибиз нечакъы да бар. Оланы къызларын къатын этип биз де алайыкъ, олагъа бизин къызларыбызны да берейик.

Тек олар бизин булан яшап, бир халкъ болуп къалма бир шарт булан рази бола: бизин бары да эргишилерибиз олар йимик сюннетленме гереклер.

Эгер оланы шо шартын кютсек, оланы сиривлери, мюлкю, гьайван-малы – бары да бизинки болуп къалажакъ, олар бизин булан бирче яшап къалажакъ!

Шагьарлылар Гьамор ва Шегьем айтгъангъа рази болалар ва шагьарны бары да эргишилери сюннет этиле.

Параллельные места

Бытие 23:10

Хетлилени арасында олтургъан Эпрон шагьар къапуларыны алдында олтургъан бары да хетлилер де эшитеген кюйде Ибрагьимге булай дей:

Уьчюнчю гюн буса, олар авруп турагъанда, Якъубну Симон ва Левий деген уланлары – Динаны эркъардашлары, къылычлар да алып, гьеч бир пуршавсуз шагьаргъа гирелер ва шагьардагъы бары да эргишилени оьлтюрелер.

Гьаморну ва Шегьемни къылыч булан оьлтюрелер. Шегьемни уьюнден Динаны да алып гетелер.

Сонг къыргъын болгъан ерге гелип, Якъубну башгъа уланлары къызардашы хорлангъан шагьарда талавур юрютелер.

Олар къойланы, сыйырланы, эшеклени гьайдайлар, шагьарда ва авлакъда тапгъан бары да затын алалар.

Шагьарлыланы бары мал-матагьын алалар, оланы яшларын ва къатынларын есир этелер, оланы уьйлериндеги бары да затын талайлар.

Симонгъа ва Левийге Якъуб булай дей: – Сиз мени башыма балагь гелтирдигиз! Ерли гьананлы, перисейли халкъланы магъа оьчлю этдигиз. Бизин адамларыбыз кёп тюгюл, олар буса бирлешип, мени де оьлтюрежеклер, бизин тухумубуз да дагъылып къалажакъ!

Симон ва Левий огъар: – Къызардашыбызгъа къагьба къызгъа йимик янашма ярамас! – деп жавап берелер.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода