Амма церан беркат церан-шайн куьйгаша кхоьллина дац. Иштта Іесачеран хьехамаш тІеэцар генахь ду суна!
Кест-кеста бойий те Іесачийн чиркх? Кест-кеста вонаш догІий те цаьрга? Ша оьгІазваханчу хенахь кест-кеста Дала баланаш хьовзабой те царна тІе?
Боданехь а, ког шершаш а церан некъ а хуьлийла. Царна тІаьхьа Везачу Элан Малик а долийла.
ЦІеххьана хІаллакьхилар нислойла хІинца царна шайна. Къайлаха когаш кІел тесначу бойно лоцийла уьш шаьш. Шаьш, цу ор чу а эгна, хІаллакьхуьлийла уьш.
Іеса стаг цо дина вонаш бахьана долуш дІатоттур ву, ткъа дикачу стеган, шена Іожалла тІехІоьттича а, догдохийла ю.