Даудан назма. Веза Эла – сан серло а ю, сан кІелхьарвалар а ду. Со хьанах кхоьрур ву? Веза Эла – сан дахаран дІалечкъийла ю. Со хьан Іадор ву?
Сан мостагІий юхабовлу, со Хьоьга кхайкхича, хІунда аьлча суна хаьа Дела сайгахьа вуйла.
Цунах ю сан дегайовхо, со ца кхоьру. ХІун дийр ду суна адамо?
ХІун эр дара те оцу дерригенах лаьцна? Дела вайгахьа хилча, мила вер ву вайна дуьхьал?
Цундела вай майрра боху: «Веза Эла ву сан гІоьнча, со хІуманах а кхоьрур вац. ХІун дийр дара суна стага?»