Ткъа со Делан цІа чохь зазадоккхуш долу зайт-дитт санна ву, ерриг а тІейогІучу ханна Делан хедар боцучу безаме сатесна а ву.
Мерза моз ду хьан багара Іенаш, сан нускал. Хьан матта кІелахь шура а, моз а ду. Ливанунах йогІучу хьожанах тера ю хьан бедарийн хьожа.
ХІинца шортта хІума ду сан. Оьшург ерриге а йолуш ю, аша мел даийтина совгІаташ Эпар-Падатис соьга схьакхачийна. Далла доккху хаза хьожа йогІу сагІа санна ду и совгІат, Дела цунна реза а ву.