Цара жоп делира: «Оха хьо, дІавехкар бен, вуьйр вац. Цул тІаьхьа пІелаштамхойн кара дІалур ву». ЦІеначу шина муьшаца иза дІа а вихкина, чІожа чуьра Шамшон араваьккхира цара.
Иза Лахьина улло кхаьчча, пІелаштамхой маьхьаршца дуьхьалбевлира цунна. ТІаккха Шамшонна тІе Везачу Элан Са доьссира. Цуьнан куьйгаш дІадихкина долу машшаш даьгна дІадаьлла долу вета санна хилла дІахІиттира. Цуьнан куьйгаш тІера буржалш охьаийгира.