1
Цийонан дуьхьа дІасоцур вац со, Ярушалайман дуьхьа тийна Іийр вац, цуьнан нийсо, Іуьйренан серло санна, гІатталц, цуьнан кІелхьаръялар, хаьштиг санна, серлаяллалц.
Хьаналчу нехан некъ сахилар санна бу. Дийнан серло мел лаьтта, тІеттІа серлаболу и некъ.
БІаьрзенаш царна ца бевзачу новкъахула дІабуьгур бу Ас, царна ца хууш долчу некъашкахь куьйгалла а дийр ду церан. Боданах царна хьалха серло йийр ю Ас, ситтина некъаш нис а дийр ду. Иза ду Ас церан дуьхьа ден дерг. Уьш дІатосур бац Ас.
Везачу Эло Шен беза пхьарс берзина баьккхина дерриг а халкъашна хьалха. Дуьненан массо а йистошна вайн Дала делла кІелхьардаккхар гур ду.
Лаьтто шен ялта кхиоре терра а, бешо стоьмаш хьалабахаре терра а, Везачу Эло нийсо кхуьуьйтур а ю, массо а халкъашна хьалха Шена хастамаш бойтур а бу.
Веза Эла, и дерриг а хиллачул тІаьхьа а ІадІийр ву Хьо? Вист ца хуьлуш а, тхуна барам боцуш таІзар деш а хир ву Хьо?