«Сан гІайгІа озалур елахьара! Сан бала терзанна тІе буьллур белахьара!
Иза хІордан йистера гІамарал а беза хир бара. Цундела ду сан къамел сел доьхна!
Цундела со вист ца хуьлуш соцур вац – аса со саготта хиларх лаьцна дуьйцур ду, сайгахь болу бала а дІабуьйцур бу.
Аса дечу узарша со гІел а во, дІавуьжу мотт аса сайн бІаьрхишца бус-буса тІун а бо. Сан велхаро со вуьжу мотт а башийна.
ХІунда аьлча дийнаххьий, буьйсанний Хьан куьг суна тІехь дазделла лаьттара. Аьхкенан йокъа хІоьттинчу хенахь санна, бос а байна сан.
Веза Эла! Сан берриг а лаамаш Хьуна хьалха ма бу. Сан синан садеІар Хьох къайла ца долу.