Книга Деяния св. Апостолов Cтих 21

Савл же бе соизволяя убийству его. Бысть же в той день гонение велие на церковь иерусалимскую: вси же разсеяшася по странам иудейским и самарийским, кроме апостол: Савл же озлобляше церковь, в домы входя, и влачя мужы и жены, предаяше в темницу. Савл же, еще дыхая прещением и убийством на ученики Господни, приступль ко архиерею, и зде имать власть от архиерей связати вся нарицающыя имя твое. еже и сотворих во иерусалиме, и многи от святых аз в темницах затворях, власть от архиерей приемь: убиваемым же им прилагах совет: Слышасте бо мое житие иногда в жидовстве, яко по премногу гоних церковь Божию и разрушах ю, точию же слышаще бяху, яко гоняй нас иногда, ныне благовествует веру, юже иногда разрушаше:

Савл же паче крепляшеся и смущаше иудеи живущыя в дамасце, препирая, яко сей есть Христос.

Якоже исполнишася дние доволни, совещаша иудее убити его,

уведан же бысть савлу совет их: стрежаху же врат день и нощь, яко да убиют его:

поемше же его ученицы нощию, свесиша по стене в кошнице.

Пришед же савл во иерусалим, покушашеся прилеплятися учеником: и вси бояхуся его, не верующе, яко есть ученик.

Варнава же приемь его, приведе ко апостолом и поведа им, како на пути виде Господа, и яко глагола ему, и како в дамасце дерзаше о имени Иисусове.

И бяше с ними входя и исходя во иерусалиме и дерзая о имени Господа Иисуса.

Глаголаше же и стязашеся с еллины: они же искаху убити его.

Разумевше же братия, сведоша его в кесарию и отпустиша его в тарс.

Церкви же по всей иудеи и галилеи и самарии имеяху мир, созидающяся и ходящя в страсе Господни, и утешением святаго духа умножахуся.

И бысть петру, посещающу всех, снити и ко святым живущым в лидде:

обрете же тамо человека некоего, именем енеа, от осми лет лежаща на одре, иже бе разслаблен.