Книга Деяния св. Апостолов Cтих 16

точию яко Дух святый по вся грады свидетелствует, глаголя, яко узы мене и скорби ждут. и пришед к нам и взем пояс павлов, связав же свои руце и нозе, рече: тако глаголет Дух святый: мужа, егоже есть пояс сей, тако свяжут во иерусалиме иудее и предадят в руце языков. егоже обретох оглаголуема о взыскании закона их, ни едино же достойно смерти или узам согрешение имуща: Служителие ли Христовы суть? не в мудрости глаголю, паче аз. В трудех множае, в ранах преболе, в темницах излиха, в смертех многащи. От иудей пять краты четыредесять разве единыя приях: трищи палицами биен бых, единою каменьми наметан бых, трикраты корабль опровержеся со мною: нощь и день во глубине сотворих: в путных шествиих множицею: беды в реках, беды от разбойник, беды от сродник, беды от язык, беды во градех, беды в пустыни, беды в мори, беды во лжебратии: в труде и подвизе, во бдениих множицею, во алчбе и жажди, в пощениих многащи, в зиме и наготе. Кроме внешних, нападение еже по вся дни, и попечение всех церквей.

Пойде же ананиа и вниде в храмину, и возложь нань руце, рече: савле брате, Господь Иисус явлейтися на пути, имже шел еси, посла мя, яко да прозриши и исполнишися духа свята.

И абие отпадоша от очию его яко чешуя: прозре же абие, и востав крестися,

и приемь пищу, укрепися. Бысть же савл с сущими в дамасце учениками дни некия:

и абие на сонмищих проповедаше Иисуса, яко сей есть Сын Божий.

Дивляхуся же вси слышащии и глаголаху: не сей ли есть гонивый во иерусалиме нарицающыя имя сие, и зде на сие прииде, да связаны тыя приведет ко архиереем?

Савл же паче крепляшеся и смущаше иудеи живущыя в дамасце, препирая, яко сей есть Христос.

Якоже исполнишася дние доволни, совещаша иудее убити его,

уведан же бысть савлу совет их: стрежаху же врат день и нощь, яко да убиют его:

поемше же его ученицы нощию, свесиша по стене в кошнице.

Пришед же савл во иерусалим, покушашеся прилеплятися учеником: и вси бояхуся его, не верующе, яко есть ученик.

Варнава же приемь его, приведе ко апостолом и поведа им, како на пути виде Господа, и яко глагола ему, и како в дамасце дерзаше о имени Иисусове.

И бяше с ними входя и исходя во иерусалиме и дерзая о имени Господа Иисуса.