Книга Деяния св. Апостолов Cтих 8

пред нимиже и постави себе жива по страдании своем во мнозех истинных знамениих, деньми четыредесятьми являяся им и глаголя яже о царствии Божии: Доволно же убо время пребыста дерзающа о Господе, свидетелствующем слову благодати своея и дающем знамения и чудеса быти рукама их. По обычаю же своему павел вниде к ним и по субботы три стязашеся с ними от писаний, Стязашеся же на сонмищах по вся субботы и препираше иудеи и еллины. Сей же начат дерзати на сонмищих. Слышавша же его акила и прискилла, прияста его и известнее тому сказаста путь Господень. Уставивше же ему день, приидоша к нему в странноприемницу множайшии, имже сказаше свидетелствуя царствие Божие и уверяя их, яже о Иисусе, от закона моисеова и пророк, от утра даже до вечера.

И егда нецыи ожесточахуся и пряхуся, злословяще путь Господень пред народом, отступль от них отлучи ученики, по вся дни стязаяся во училищи мучителя некоего.

Сие же бысть два лета, яко всем живущым во асии слышати слово Господа Иисуса, жидом же и еллином.

Силы же не просты творяше Бог рукама павловыма,

яко и на недужныя наносити от тела его главотяжы и убрусцы, и исцелитися им от недуг, и духом лукавым исходити от них.

Начаша же нецыи от скитающихся иудей заклинателей именовати над имущими духи лукавыя имя Господа Иисуса, глаголюще: заклинаем вы Иисусом, егоже павел проповедует.

Бяху же нецыи сынове скевы иудеанина архиереа седмь, иже сие творяху.

Отвещав же дух лукавый рече: Иисуса знаю и павла свем, вы же кто есте?

И скачя на них человек, в немже бе дух лукавый, и одолев им, укрепися на них, якоже нагим и ураненым избежати от храма онаго.

Сие же бысть разумно всем живущым во ефесе иудеем же и еллином, и нападе страх на всех их, и величашеся имя Господа Иисуса:

мнози же от веровавших прихождаху, исповедающе и сказующе дела своя:

доволни же от сотворших чародеяния, собравше книги своя, сожигаху пред всеми: и сложиша цены их и обретоша сребра пять тем.

Сице крепко слово Господне растяше и крепляшеся.