Книга Деяния св. Апостолов Cтих 4

аз убо крещаю вы водою в покаяние: грядый же по мне креплий мене есть, емуже несмь достоин сапоги понести: той вы крестит духом святым и огнем: Бысть иоанн крестяй в пустыни и проповедая крещение покаяния во отпущение грехов. И проповедаше, глаголя: грядет креплий мене вслед мене, емуже несмь достоин преклонься разрешити ремень сапог его: аз убо крестих вы водою: той же крестит вы духом святым. проповедавшу иоанну пред лицем внития его крещение покаяния всем людем Израилевым. И якоже скончаваше иоанн течение, глаголаше: кого мя непщуете быти? несмь аз, но се, грядет по мне, емуже несмь достоин разрешити ремень сапогу его. лета убо неведения презирая Бог, ныне повелевает человеком всем всюду покаятися: засвидетелствуя иудеем же и еллином еже к Богу покаяние и веру яже в Господа нашего Иисуса Христа.

Слышавше же крестишася во имя Господа Иисуса,

и возложшу павлу на ня руце, прииде Дух святый на ня, глаголаху же языки и пророчествоваху.

Бяше же всех мужей яко дванадесять.

Вшед же в сонмище, дерзаше, не обинуяся три месяцы беседуя и уверяя, яже о царствии Божии.

И егда нецыи ожесточахуся и пряхуся, злословяще путь Господень пред народом, отступль от них отлучи ученики, по вся дни стязаяся во училищи мучителя некоего.

Сие же бысть два лета, яко всем живущым во асии слышати слово Господа Иисуса, жидом же и еллином.

Силы же не просты творяше Бог рукама павловыма,

яко и на недужныя наносити от тела его главотяжы и убрусцы, и исцелитися им от недуг, и духом лукавым исходити от них.

Начаша же нецыи от скитающихся иудей заклинателей именовати над имущими духи лукавыя имя Господа Иисуса, глаголюще: заклинаем вы Иисусом, егоже павел проповедует.

Бяху же нецыи сынове скевы иудеанина архиереа седмь, иже сие творяху.

Отвещав же дух лукавый рече: Иисуса знаю и павла свем, вы же кто есте?

И скачя на них человек, в немже бе дух лукавый, и одолев им, укрепися на них, якоже нагим и ураненым избежати от храма онаго.