Книга Деяния св. Апостолов Cтих 22

и бывша в саламине, возвещаста слово Божие в сонмищих иудейских: имеяста же и иоанна слугу. Прииде же в дервию и листру. И се, ученик некий бе ту, именем тимофей, сын жены некия иудеаныни верны, отца же еллина: Абие же тогда братия отпустиша павла ити на поморие: остаста же сила и тимофей тамо. Сие же бысть два лета, яко всем живущым во асии слышати слово Господа Иисуса, жидом же и еллином. Целует вы гаие странноприимец мой и церкве всея. Целует вы ераст строитель градский, и куарт брат. сего ради послах к вам тимофеа, иже ми есть чадо возлюблено и верно о Господе, иже вам воспомянет пути моя, яже о Христе Иисусе, якоже везде и во всякои церкви учу. Якоже умолих тя пребыти во ефесе, идый в македонию, да завещаеши неким не инако учити, Ераст оста в коринфе: трофима же оставих в милите боляща.

Бысть же во время оно молва не мала о пути Господни:

димитрий бо некто именем, среброковачь, творяй храмы сребряны артемиде, подаяше хитрецем делание не мало,

ихже собрав и ины сицевых вещей делатели, рече: мужие, весте, яко от сего делания доволство житию нашему есть:

и видите и слышите, яко не токмо ефес, но мало не всю асию павел сей препрев, обрати мног народ, глаголя, яко не суть бози, иже руками человеческими бывают:

не токмо же сия беду приемлет наша часть, еже бы во обличение не приити, но дабы и великия богини артемиды храм ни во чтоже не вменился, имать же разоритися и величество ея, юже вся асиа и вселенная почитает.

Слышавше же и бывше исполнени ярости, вопияху глаголюще: велика артемида ефесская.

И исполнися град весь мятежа: устремишася же единодушно на позорище, восхищше гаиа и аристарха македоняны, други павловы.

Павлу же хотящу внити в народ, не оставляху его ученицы:

нецыи же от асийских началник, суще ему друзи, пославше к нему, моляху не вдати себе в позор.

Друзии же убо ино нечто вопияху: бе бо собрание смущено, и множайшии от них не ведяху, чесо ради собрашася.

От народа же избраша александра, изведшым его иудеем. Александр же, помаав рукою, хотяше отвещати народу.

Разумевше же, яко иудеанин есть, глас бысть един от всех, яко на два часа вопиющих: велика артемида ефесская.