Книга Деяния св. Апостолов Cтих 2

и аз не видех его: но пославый мя крестити водою, той мне рече: над негоже узриши духа сходяща и пребывающа на нем, той есть крестяй духом святым: Сие же рече о дусе, егоже хотяху приимати верующии во имя его: не у бо бе дух святый, яко Иисус не у бе прославлен. Петр же рече к ним: покайтеся, и да крестится кийждо вас во имя Иисуса Христа во оставление грехов: и приимете дар святаго Духа: еще бо ни на единаго их бе пришел, точию крещени бяху во имя Господа Иисуса: тогда возложиша руце на ня, и прияша духа святаго. Внимайте убо себе и всему стаду, в немже вас Дух святый постави епископы, пасти церковь Господа и Бога, юже стяжа кровию своею.

Рече же к ним: во что убо крестистеся? Они же рекоша: во иоанново крещение.

Рече же павел: иоанн убо крести крещением покаяния, людем глаголя, да во грядущаго по нем веруют, сиречь во Христа Иисуса.

Слышавше же крестишася во имя Господа Иисуса,

и возложшу павлу на ня руце, прииде Дух святый на ня, глаголаху же языки и пророчествоваху.

Бяше же всех мужей яко дванадесять.

Вшед же в сонмище, дерзаше, не обинуяся три месяцы беседуя и уверяя, яже о царствии Божии.

И егда нецыи ожесточахуся и пряхуся, злословяще путь Господень пред народом, отступль от них отлучи ученики, по вся дни стязаяся во училищи мучителя некоего.

Сие же бысть два лета, яко всем живущым во асии слышати слово Господа Иисуса, жидом же и еллином.

Силы же не просты творяше Бог рукама павловыма,

яко и на недужныя наносити от тела его главотяжы и убрусцы, и исцелитися им от недуг, и духом лукавым исходити от них.

Начаша же нецыи от скитающихся иудей заклинателей именовати над имущими духи лукавыя имя Господа Иисуса, глаголюще: заклинаем вы Иисусом, егоже павел проповедует.

Бяху же нецыи сынове скевы иудеанина архиереа седмь, иже сие творяху.