Книга Откровение Cтих 19 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Откровение Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Откровение

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22

Шуннан соң, мин яңа күкне һәм яңа җирне күрдем. Чѳнки әүвәлге күк һәм әүвәлге җир юкка чыктылар, диңгез дә инде юк.

Мин, үзенең кияве ѳчен әзерләнгән, бизәнгән кәләш кебек, Аллаһыдан, күктән тѳшүче яңа изге Иерусалим шәһәрен күрдем.

Һәм тәхеттән килгән кѳчле тавышны ишеттем: «Менә Аллаһының кешеләр белән яшәү урыны. Ул кешеләр белән бергә яшәячәк. Алар Аның халкы булачак һәм Аллаһы Үзе алар белән булачак, Ул аларның Аллаһысы булачак.

Ул аларның һәр күз яшен сѳртәчәк һәм үлем, кайгы, ачы тавыш, авырту башка булмаячак. Чѳнки әүвәлге үтеп китте».

Тәхеттә Утыручы әйтте: «Менә, Мин һәммә нәрсәне яңа итеп ясыйм. Яз, чѳнки бу сүзләр ышанычлы һәм хакыйкый».

Ул миңа әйтте: «Гамәлгә ашты! Мин – Альфа һәм Омега, Башы һәм Ахыры. Сусаучыга Мин тереклек суы чишмәсеннән эчәргә бушлай бирәм.

Җиңүче моның барысына ия булачак һәм аның Аллаһысы Мин булачакмын, ә ул Минем улым булачак.

Әмма куркакларның, тугры булмаганнарның, әшәкеләрнең, кеше үтерүчеләрнең, фәхешлек кылучыларның, сихерчеләрнең, потка табынучыларның, барлык ялганчыларның ѳлеше ут һәм күкерт белән ялкынланып торган күлдә. Бу – икенче үлем».

Минем янга соңгы җиде бәла-каза белән тулы җиде касә тоткан җиде фәрештәнең берсе килде һәм: «Кил, мин сиңа кәләшне, Бәрәннең хатынын күрсәтәм», – диде.

Мине Рух биләп алды һәм фәрештә мине гаять зур һәм биек тауга күчерде. Ул миңа Аллаһыдан, күктән тѳшүче изге Иерусалим шәһәрен күрсәтте.

Ул шәһәр Аллаһы даныннан балкып тора иде. Аның яктылыгы асылташ балкышына һәм чиста яшма кристаллы балкышына охшашлы иде.

Аның коймасы бик зур һәм биек, унике капкасы бар һәм капкалары янында унике фәрештә иде. Капкаларында Исраил халкының унике кабиләсенең исемнәре язылган.

Кѳнчыгыштан ѳч капка, тѳньяктан ѳч капка, кѳньяктан ѳч капка һәм кѳнбатыштан ѳч капка бар иде.

Һәм шәһәр коймасының унике нигезе бар. Ул нигезләрдә Бәрәннең унике рәсүленең исемнәре язылган иде.

Миңа сѳйләүче фәрештәнең шәһәрне һәм аның капкаларын, коймасын үлчәр ѳчен алтын үлчәү таягы бар иде.

Шәһәр тигезьяклы дүртпочмак булып урнашкан: аның озынлыгы киңлегенә тигез иде. Фәрештә шәһәрне таяк белән үлчәде, ул унике мең стадия булды; аның озынлыгы, киңлеге һәм биеклеге бертигез иде.

Фәрештә аның коймасын үлчәп чыкты. Койма фәрештә кулланган кеше үлчәме буенча йѳз кырык дүрт аршын булды.

Аның коймасы асылташтан иде, шәһәр исә үтә күренмәле пыяла сыман саф алтыннан иде.

Шәһәр коймасының нигезләре тѳрле асылташлар белән бизәлгән иде: беренче нигезе – яспис, икенчесе – зәңгәр якут, ѳченчесе – халцедон, дүртенчесе – зѳбәрҗәт,

Параллельные места

Откровение 4:3

Утыручы кыяфәте белән яшма һәм сердолик ташы сыман иде, тәхетне зѳбәрҗәт тѳсендәге яктылык боҗрасы әйләндереп алган иде.

бишенчесе – оникс, алтынчысы – сердолик, җиденчесе – хризолит, сигезенчесе – берилл, тугызынчысы – топаз, унынчысы – хризопраз, унберенчесе – гиацинт, уникенчесе – аметист.

Унике капка – унике энҗе, капкаларның һәрберсе бер энҗедән иде. Шәһәрнең урамы – үтә күренмәле пыяла сыман, саф алтыннан иде.

Мин шәһәрдә Аллаһы Йортын күрмәдем, чѳнки бу шәһәрнең Аллаһы Йорты – Чиксез кодрәт Иясе Раббы Аллаһы Үзе һәм Бәрән.

Шәһәр кояшның һәм айның яктыртуына мохтаҗ түгел, чѳнки Аллаһының даны аны яктырта һәм аның яктырткычы – Бәрән Үзе.

Халыклар бу шәһәрнең яктылыгы астында йѳриячәкләр, җир патшалары аңа үзләренең даннарын китерәчәкләр.

Кѳндез аның капкалары һичкайчан ябылмаячак, чѳнки анда тѳн булмаячак.

Бу шәһәргә халыкларның данын һәм хѳрмәтен китерәчәкләр.

Шәһәргә һичбер шакшы әйбер, әшәкелек эшләүче һәм ялганчы кермәячәк, фәкать исемнәре Бәрәннең Тормыш китабында язылганнар гына керәчәк.

← Предыдущая

Откровение

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22

Выбор основного перевода