Книга Откровение Cтих 16 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Откровение Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Откровение

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22

Болардан соң, мин күктән тѳшүче бѳек вәкаләте булган башка фәрештәне күрдем. Аның даны белән җир яктыртылды.

Фәрештә кѳчле тавыш белән кычкырды: «Бѳек Бабыл җимерелде, җимерелде! Ул җеннәр торагына һәм тѳрле пакьсез рухлар, пакьсез кошлар, тѳрле пакьсез һәм нәфрәт тудыргыч хайваннарга сыену оясы булды.

Чѳнки ул үзенең ярсулы фәхешлек шәрабыннан барлык халыкларны эчертте, һәм җир патшалары аның белән зина кылдылар. Сәүдәгәрләр аның кѳчле нәфес теләгеннән баедылар».

Мин күктән килгән башка тавышны ишеттем: «Минем халкым, аның гѳнаһларында катнашмас ѳчен һәм аның бәла-казаларына дучар булмас ѳчен $аннан чык.

Чѳнки аның гѳнаһлары күккә кадәр барып җитте һәм Аллаһы аның җинаятьле эшләрен искә алды.

Ул ничек биргән булса, сез дә аңа шулай кайтарыгыз, эшләренә карата икеләтә бирегез. Үзе әзерләгән касәдә аның үзенә икеләтә әзерләгез.

Ул үзен күпме данлаган булса, җенси ләззәтлектә яшәгән булса, шулкадәр аңа газап һәм кайгы бирегез! Чѳнки ул үзенең күңеленнән: „Патша булып утырам, мин тол хатын түгел, кайгыны да күрмәм!" – дип әйтә.

Шуңа күрә аңа бер кѳндә бәла-казалар – үлем, хәсрәт, ачлык киләчәк. Һәм ул утта яндырылачак, чѳнки аны хѳкем итүче Раббы кодрәтле!»

Аның белән зина кылган һәм җенси теләкләрен канәгатьләндергән җир патшалары, аның януыннан чыккан тѳтенгә карап, аның хакында үкереп елаячаклар.

Аның газапларыннан куркып, читтәрәк басып торачаклар һәм: «Кайгы, кайгы сиңа, бѳек һәм куәтле Бабыл шәһәре! Чѳнки сиңа бер сәгать эчендә хѳкем килде», – дип әйтәчәкләр.

Җир сәүдәгәрләре дә аның хакында елаячаклар һәм кайгырачаклар, чѳнки бүтән алардан беркем бернәрсә сатып алмый:

алтын һәм кѳмеш әйберләрен, асылташларын һәм энҗеләрен, нәфис җитен, ефәк, куе кызыл һәм алсу тѳстәге тукымаларын, һәртѳрле кыйммәтле тѳрдәге агачларын һәм фил сѳягеннән ясалган әйберләрен, иң кыйммәтле агачтан, бронзадан, тимердән һәм мәрмәрдән ясалган һәртѳрле әйберләрен

һәм дарчиннарын, аш тәмләткечләрен, хуш исле майларын, ладаннарын, шәрабларын, зәйтүн майларын, иң яхшы оннарын һәм игеннәрен, мал-туарларын, сарыкларын һәм атларын, арбаларын, кеше гәүдәләрен һәм кеше җаннарын да алмый.

«Җаның теләгән яхшы әйберләр синнән киттеләр. Синең барлык зиннәтлелегең һәм купшылыгың юк булды; Син аларны һичкайчан тапмаячаксың!»

Болар белән сәүдә итүчеләр һәм аннан баючылар, аның газапларыннан куркып, елап һәм иңрәп читтәрәк торачаклар.

Алар: «Нәфис җитен, куе кызыл һәм алсу тѳстәге тукымаларга киенгән, алтын, асылташларга һәм энҗегә бизәлгән бѳек шәһәргә кайгы, кайгы!

Параллельные места

Откровение 17:4

Откровение 17:18

Хатын шәмәхә һәм кызыл тѳстәге киемнәргә киенгән, алтын, асылташлар һәм энҗе белән бизәлеп матурланган, кулына үзенең фәхешлегенең чирканычлыгы һәм шакшылыгы тулы алтын касә тоткан иде. Ә син күргән хатын – җир патшалары ѳстеннән патшалык итүче бѳек шәһәр ул».

Чѳнки шундый күп байлык бер сәгать эчендә юк булды», – диячәкләр. Диңгездәге һәрбер кораб йѳртүче һәм һәрбер йѳзүче, диңгезчеләр һәм диңгез кәсебеннән файда күрүчеләр еракта басып тордылар.

Аның януыннан чыккан тѳтенгә карап: «Бу бѳек шәһәргә кайсы шәһәр тиң булсын!» – дип кычкырдылар.

Алар башларына тузан сиптеләр һәм елап: «Кайгы, кайгы сиңа, байлыгыңнан диңгездә кораблары булган һәммә кеше баеган бѳек шәһәр! Чѳнки син бер сәгать эчендә юкка чыктың», – дип кайгырып кычкырдылар.

Әй, күк һәм изгеләр, рәсүлләр һәм пәйгамбәрләр! Аның хакында шатланыгыз, чѳнки сезгә каршы кылган гамәлләре ѳчен Аллаһы аны хѳкем итте.

Аннары бер кѳчле фәрештә тегермән ташы кебек зур таш алып, аны диңгезгә ташлады һәм әйтте: «Бѳек шәһәр Бабыл шундый кѳч белән җимереләчәк һәм мәңгегә юк булачак.

Арфада уйнаучылар һәм җырлаучылар, сыбызгычылар һәм быргычылар тавышын синдә инде ишетмәсләр. Бер генә һѳнәр буенча да бер генә һѳнәрчене табып булмас һәм тегермән ташларының тавышы синдә ишетелмәс.

Яктырткыч уты синдә моннан ары яктыртмас, кияү белән кәләш тавышлары моннан ары синдә ишетелмәс. Чѳнки синең сәүдәгәрләрең җирдә бѳек булдылар, синең сихереңә бѳтен халыклар да алдандылар.

Ул шәһәрдә барлык пәйгамбәрләрнең, изгеләрнең һәм җирдә үтерелгән барлык кешеләрнең каны табылды».

← Предыдущая

Откровение

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22

Выбор основного перевода