Бѳтен Сурия буйлап Аның хакында хәбәр таралды. Аның янына тѳрле авырулардан һәм интектергеч чирләрдән җәфаланганнарны, җенлеләрне, ѳянәк белән авырганнарны һәм паралич сукканнарны алып килделәр. Гайсә аларны савыктырды.
Ул халык тѳркемнәрен күреп кызганды: алар, кѳтүчеләре булмаган сарыклар кебек, борчылган һәм таралган иделәр.
Гайсә шәкертләрен чакырып, аларга:– Кешеләрне кызганам. Алар Минем белән инде ѳч кѳн буе, ә ашарларына һичнәрсәләре юк. Минем аларны ач килеш җибәрәсем килми: юлда хәлсезләнерләр, – дип әйтте.