Книга От Луки Cтих 27 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Луки Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

1

Тибери кайсар хакимлегенең унбишенче елында, Яһүдиядә Понти Пилат идарә иткәндә, ә Һируд Гәлиләя башлыгы, аның ир туганы Филип Итурая һәм Трахунитис ѳлкәсе башлыгы, ә Лусани Абилини башлыгы булганда,

2

Һаннас һәм Кәяфәс иң баш руханилар булган вакытта чүлдә яшәгән Зәкәрия улы Яхъяга Аллаһыдан сүз булды.

3

Шуннан соң Яхъя Үрдүн елгасы тирәсендәге барлык җирләрдә: «Тәүбә итеп, суга чумдырылыгыз, һәм Аллаһы сезнең гѳнаһларыгызны кичерер», – дип ѳндәп йѳрде.

4

Ишагыйя пәйгамбәрнең китабында бу хакта болай дип язылган:– «Чүлдә кычкыручының тавышы ишетелә:„Раббыга юл әзерләгез,Аңа сукмакларны турайтыгыз.

5

Һәрбер үзән тутырылсын,Һәр тау һәм калкулык җир белән тигезләнсен,Бормалы-бормалы юллар турайтылсын,Сикәлтәлеләре тигезләнеп шомарсын.

6

Һәм барлык кешеләрАллаһының коткаруын күрерләр"».

7

Яхъя янына, суга чумдырылырга дип, күп халык килә иде. Ул кешеләргә:– Әй, сез, елан токымнары! Аллаһының якынлашып килүче ачуыннан кача алырсыз дип кем әйтте сезгә? – диде. –

8

Агачлар җимеш биргән кебек, тәүбә иткәнегезне эш белән күрсәтегез! «Безнең бит атабыз – Ибраһим», – дип уйламагыз да. Мин сезгә шуны әйтәм: Аллаһы менә шушы ташлардан Ибраһимга балалар булдыра ала.

9

Балта агачлар тѳбендә ята, ул инде әзерләп куелган: яхшы җимеш бирми торган һәр агачны кисеп утка ташлыйлар.

10

Халык аннан:– Безгә нәрсә эшләргә соң? – дип сорады.

11

Яхъя аларга:– Ике күлмәге бар кеше берсен бер күлмәге дә булмаганга бирсен. Кемнең ризыгы бар, ашарына булмаган кеше белән бүлешсен, – дип җавап бирде.

12

Суга чумдырылырга дип, салым җыючылар да килделәр һәм Яхъядан:– Остаз! Ә безгә нәрсә эшләргә? – дип сорадылар.

13

Ул аларга:– Тиешеннән артыгын таләп итмәгез, – дип җавап бирде.

14

Гаскәриләр дә аннан:– Ә безгә нәрсә эшләргә? – дип сорадылар.– Беркемнән дә кѳчләп, янап әйбер алмагыз. Хезмәт хакыгыздан канәгать булыгыз, – диде Яхъя.

15

Халык кѳтә иде, һәркем күңеленнән Яхъя турында: «Бу Мәсих түгелме икән?» – дип уйлады.

16

Яхъя исә аларның барысына да болай дип җавап бирде:– Мин сезне суга чумдырам. Әмма миннән кодрәтлерәк бер Зат килә, мин Аның аяк киеменең каешын чишәргә дә лаеклы түгелмен. Ул сезне Изге Рухка һәм утка чумдырыр.

17

Аның кулында җилгәргеч. Ул ындырда ашлыкны җилгәреп, бодаен аерып, ашлык бурасына салыр, ә кибәген сүнмәс утта яндырыр.

18

Яхъя Исраил халкына тагын башка тѳрле үгет-нәсыйхәтләр биреп, Яхшы хәбәрне вәгазьләп йѳрде.

19

Әмма идарәче Һируд, абыйсының хатыны Һирудия белән булган мѳнәсәбәтләре һәм башка явызлыклары ѳчен Яхъя аның гаебен күрсәткәнгә,

20

шундый эшләре ѳстенә тагын берне ѳстәп, Яхъяны тѳрмәгә утыртты.

21

Халык чумдырылганда Гайсә дә чумдырылды. Ул дога кылган вакытта күкләр ачылды,

22

һәм Аңа күгәрчен рәвешендә Изге Рух иңде. Күкләрдән:– Син – Минем сѳекле Улым. Син Минем куанычым! – дигән сүзләр ишетелде.

23

Үзенең хезмәтен башлаганда Гайсәгә утыз яшьләр чамасы иде. Кешеләр Аны Йосыф улы дип уйладылар. Ә Йосыф – Эли улы,

24

Эли – Маттат улы, Маттат – Леви улы, Леви – Мәлки улы, Мәлки – Яннай улы, Яннай – Йосыф улы,

25

Йосыф – Маттати улы, Маттати – Амос улы, Амос – Нахум улы, Нахум – Һесли улы, Һесли – Нәггәй улы,

26

Нәггәй – Махат улы, Махат – Маттати улы, Маттати – Шими улы, Шими – Йосых улы, Йосых – Йода улы,

27

Йода – Йоханан улы, Йоханан – Риса улы, Риса – Зеруббабел улы, Зеруббабел – Шеһалтиел улы, Шеһалтиел – Нири улы,

Параллельные места

От Матфея 1:12

Бабылга кѳчләп күчерелгәннән соң, Еһоякиннең улы Шеһалтиел туды. Шеһалтиел Зеруббабелның,

28

Нири – Мәлки улы, Мәлки – Адди улы, Адди – Кѳсам улы, Кѳсам – Элмадам улы, Элмадам – Эр улы,

29

Эр – Ешуа улы, Ешуа – Элигазәр улы, Элигазәр – Йорим улы, Йорим – Маттат улы, Маттат – Леви улы,

30

Леви – Шимун улы, Шимун – Яһүд улы, Яһүд – Йосыф улы, Йосыф – Йонам улы, Йонам – Эльякыйм улы,

31

Эльякыйм – Мелеа улы, Мелеа – Майнан улы, Майнан – Маттата улы, Маттата – Натан улы, Натан – Давыт улы,

32

Давыт – Ишай улы, Ишай – Обид улы, Обид – Богаз улы, Богаз – Салмун улы, Салмун – Нахшун улы,

33

Нахшун – Амминадаб улы, Амминадаб – Админ улы, Админ – Арни улы, Арни – Хесрун улы, Хесрун – Перес улы, Перес – Яһүд улы,

34

Яһүд – Ягъкуб улы, Ягъкуб – Исхак улы, Исхак – Ибраһим улы, Ибраһим – Терах улы, Терах – Нахур улы,

35

Нахур – Серуг улы, Серуг – Регу улы, Регу – Пелег улы, Пелег – Эбер улы, Эбер – Шела улы,

36

Шела – Кыйнан улы, Кыйнан – Әрпәкшәд улы, Әрпәкшәд – Шем улы, Шем – Нух улы, Нух – Ләмек улы,

37

Ләмек – Мәтушалах улы, Мәтушалах – Ханух улы, Ханух – Ярид улы, Ярид – Маһалалил улы, Маһалалил – Кыйнан улы,

38

Кыйнан – Энош улы, Энош – Шет улы, Шет – Адәм улы, Адәм – Аллаһы улы.

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Выбор основного перевода