Книга От Луки Cтих 12 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Луки Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

1

Бер шимбә кѳнне Гайсә фарисей башлыкларыннан берсенең ѳенә ашка барды һәм барысы да Аны күзәттеләр.

2

Менә шунда Аның алдына сары су авыруыннан интегүче бер кеше килеп басты.

3

Шунда Гайсә канунчы һәм фарисейләргә мѳрәҗәгать итеп:– Канун шимбә кѳнне савыктырырга рѳхсәт итәме? – дип сорады.

4

Алар эндәшмәделәр. Ә Ул, авыру кешенең ѳстенә кулын куеп, аны савыктырды һәм ѳенә кайтарып җибәрде.

5

Гайсә аларга әйтте:– Берегезнең улы коега тѳшсә, яки үгезе, шимбә кѳн булса да, ул аны шундук коедан чыгармасмы?

6

Алар Аның бу соравына җавап бирә алмадылар.

7

Чакырылган кунакларның үзләренә түрдән урын сайлауларын күреп, Гайсә аларга шушы гыйбрәтле хикәяне сѳйләде:

8

– Берәү сине никах мәҗлесенә чакырса, түр башына утырма, чѳнки сиңа караганда хѳрмәтлерәк берәүнең чакырылган булуы мѳмкин.

9

Сине һәм аны чакырган хуҗа яныңа килеп: «Бу кешегә урын бирче», – дип әйтер; һәм шул чакта син, оятка калып, ишек катына барып утырырга тиеш булырсың.

10

Киресенчә, мәҗлескә чакырсалар, килгәч ишек катына утыр, шунда хуҗа яныңа килеп: «Әй, дустым, түргәрәк утыр», – дияр; шул чакта синең белән бергә мәҗлестә утыручылар алдында сиңа ихтирам булыр.

11

Чѳнки үзен башкаларга караганда ѳстен куючы һәркем түбәнсетелер; ә үзен-үзе түбәнсетүче күтәрелер.

12

Гайсә Үзен ашка чакырган кешегә дә әйтте:– Әгәр син тѳшке яки кичке аш үткәрәсең икән, дусларыңны да, туганнарыңны да, кан кардәшләреңне дә һәм бай күршеләреңне дә чакырма, чѳнки чакыруыңа каршы кайчан да булса алар да сине ашка чакыра ала һәм шуның белән исап-хисап беткән булып чыга.

Параллельные места

От Матфея 5:46

Әгәр сез үзегезне яратучыларны гына яратсагыз, ул чакта Аллаһы сезгә ни ѳчен әҗер бирер? Салым җыючылар да шулай итәләр түгелме соң?

13

Ә инде мәҗлес үткәрәсең икән, фәкыйрьләрне, гарипләрне, аксакларны, сукырларны чакыр,

14

һәм син бәхетле булырсың, чѳнки алар сиңа кайтарып түли алмыйлар. Ә сиңа тәкъваларның үледән тереләчәк кѳнендә түләнер.

15

Гайсә белән бергә утыручыларның берсе, моны ишетеп, Аңа әйтте:– Аллаһы Патшалыгындагы мәҗлестә ашаячаклар бәхетле!

16

Ул исә аңа болай диде:– Бер кеше, зур аш мәҗлесе үткәрергә җыенып, күп кунаклар чакырган.

17

Мәҗлес башланыр вакыт җиткәч, чакырылган кешеләргә: «Килегез, инде бѳтенесе әзер», – дип әйтергә үзенең хезмәтчесен җибәргән.

18

Барысы да, сүз берләшкән кебек, гафу үтенә башлаганнар. Беренчесе аңа: «Мин җир сатып алдым, миңа шуны барып карарга кирәк; зинһар ѳчен, мине гафу ит», – дигән.

19

Икенчесе исә: «Мин биш пар үгез сатып алдым, хәзер шуларны сынап карарга барам; зинһар ѳчен, мине гафу ит», – дигән.

20

Ѳченчесе: «Мин хәзер генә ѳйләндем, шуңа күрә килә алмыйм», – дигән.

21

Хезмәтче кайтып, бу хакта хуҗасына хәбәр иткән. Моңа хуҗаның ачуы килгән һәм хезмәтчесенә: «Бар, бик тиз генә шәһәр мәйданнарыннан һәм тыкрыкларыннан фәкыйрьләрне, гарипләрне, сукырларны һәм аксакларны алып кил», – дигән.

22

Берникадәр вакыт үткәч, хезмәтче аңа: «Хуҗам, синең әмерең үтәлде, әле тагын да буш урыннар бар», – дигән.

23

Хуҗа хезмәтчесенә әйткән: «Бар, юлларга, сукмакларга чык, кешеләрне монда килергә күндер, ѳем тулы булсын.

24

Сезгә әйтәм: элек чакырылганнарның берсе дә минем ашымны татымас».

25

Гайсәгә ияреп зур халык тѳркеме барды, һәм Ул аларга мѳрәҗәгать итте:

26

– Минем яныма килүче кеше атасын, анасын, хатынын, балаларын, ир һәм кыз туганнарын һәм шулар ѳстенә үз тормышын да Мине яратканнан артыграк яратса, ул Минем шәкертем була алмый;

27

һәм үзенең хачын күтәреп бармаган һәм Миңа ияреп йѳрмәгән кеше Минем шәкертем була алмый.

28

Әйтик, сезнең арагызда кем дә булса манара тѳзергә тели ди. Тѳзелешне башкарып чыгарга җитәрлек акчасы бармы икәнен белү ѳчен, иң башта утырып, аның күпмегә тѳшәсен хисапламасмы әллә?

29

Юкса, нигезен салып та, аны тѳзеп бетерә алмаса, моны күргәннәрнең барысы да: «Бу кеше тѳзи башлады, әмма тәмамлый алмады», – дип аннан кѳлә башларлар.

30

Юкса, нигезен салып та, аны тѳзеп бетерә алмаса, моны күргәннәрнең барысы да: «Бу кеше тѳзи башлады, әмма тәмамлый алмады», – дип аннан кѳлә башларлар.

31

Я әйтик, бер патша сугышка керергә җыена ди. Егерме мең сугышчыдан торган гаскәр белән килүче башка патшага үзенең ун мең гаскәре белән каршы торырга кѳче җитү-җитмәвен башта утырып киңәшмәсме әллә?

32

Ә кѳче җитмәсә, ул солых шартларын сорау ѳчен, әле еракта булган теге патшага илчеләр җибәрер.

33

Шулай ук сезнең һәркайсыгыз үзенең бар нәрсәсен калдырмаса, Минем шәкертем була алмый.

34

Тоз – яхшы нәрсә; әмма тоз үзенең тәмен югалтса, аны яңадан ничек тозлы итәрсең?

35

Ул җир ѳчен дә, тирес ѳеме ѳчен дә яраксыз була; аны чыгарып ташлыйлар. Ишетергә колаклары булган – ишетсен!

← Предыдущая

От Луки

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24

Выбор основного перевода