Книга К Колоссянам Cтих 21 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

К Колоссянам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

К Колоссянам

Следующая →

1 2 3 4

Сез Мәсих белән бергә терелеп тордыгыз, шуңа күрә күктәге нәрсәләргә ашкыныгыз, Мәсих анда Аллаһының уң ягында утыра;

җирдәге нәрсәләр турында түгел, һәрвакыт күктәгеләр турында уйлагыз.

Чѳнки сез иске тормыш ѳчен үлдегез, ә сезнең яңа тормышыгыз Мәсих белән бергә Аллаһыда яшеренгән.

Сезнең тормышыгыз – Мәсих, һәм Ул килгәндә сез дә Аның данын уртаклашып, Аның белән бергә килерсез.

Шулай итеп, үзегездәге дѳньяви теләкләрне: фәхешлек, пычраклык, нәфес, хайвани теләкне һәм потка табынуга тиң булган комсызлыкны үтерегез.

Менә шулар ѳчен Аллаһының ачуы килә.

Кайчандыр сез дә боларны эшләгәндә шул юлларда йѳрдегез.

Ә хәзер сез боларның һәммәсеннән: ачу, ярсу, усаллык, яман теллелек һәм әдәпсез сүзләрдән сакланып калыгыз;

бер-берегезгә ялган сѳйләмәгез, чѳнки сез бѳтен кылган гамәлләрегез белән элекке яшәү рәвешегезне киемне салгандай салып ташладыгыз

һәм яңа кеше булып киендегез. Бу яңа кешене Булдыручы Аллаһы, Үзе турында тулы белемгә илтү ѳчен, сезне һәрвакыт Үзенә охшашлы итеп яңартып тора.

Шуңа күрә яһүд булмаганнар һәм яһүдләр, сѳннәтле һәм сѳннәтле булмаганнар, вәхшиләр, кыргыйлар, коллар һәм иреклеләр арасында бернинди аерма юк, әмма Мәсих – һәммәсе һәм барысында.

Шулай итеп, сез, сѳекле изгеләр, Аның сайлаганнары буларак, шәфкатьле, яхшы күңелле, күндәм, басынкы, түземле булыгыз.

Бер-берегезгә сабырлык күрсәтегез һәм, бер-берегезгә карата шикаятегез булса, бер-берегезне кичерегез; Мәсих сезне кичергән кебек, сез дә бер-берегезне кичерегез.

Бу сыйфатларның барысына тагын мәхәббәтне ѳстәгез, ул, һәммәсен берләштереп, камиллеккә илтә.

Йѳрәкләрегездә Аллаһының иминлеге хакимлек итсен. Сез, бер тәннең әгъзалары булып, нәкъ менә шушы иминлеккә чакырылдыгыз һәм рәхмәтле булыгыз.

Мәсих сүзе сездә муллык белән урнашсын; бер-берегезне бѳтен зирәклек белән ѳйрәтегез һәм нәсыйхәт итегез; мәдхияләр, мактаулы шигырьләр һәм рухи җырлар җырлап, күңелләрегездән Аллаһыга рәхмәт укыгыз.

Сез нәрсә генә эшләсәгез яки ни генә сѳйләсәгез – барын да Раббы Гайсә Мәсихкә таянып һәм Аның аша Ата Аллаһыга шѳкер итеп эшләгез.

Хатыннар, Раббыга иман итүчеләр үзләрен ничек тотарга тиеш булса, ирләрегезгә шулай буйсыныгыз.

Ирләр, хатыннарыгызны яратыгыз һәм аларга кырыс булмагыз.

Балалар, һәрнәрсәдә ата-аналарыгызның сүзен тыңлагыз, чѳнки бу – Раббыга мәгъкуль.

Аталар, балаларыгыз ѳметсезлеккә бирелмәсен ѳчен, аларны ярсытмагыз.

Параллельные места

К Ефесянам 6:4

Ә сез, аталар, балаларыгызның ачуын чыгармагыз, киресенчә, аларны, Раббының үгет-нәсыйхәтләрен истә тотып, тәртипкә ѳйрәтегез һәм тәрбияләгез.

Коллар, дѳньядагы хуҗаларыгызга һәрнәрсәдә буйсыныгыз, кешеләргә ярарга тырышучылар кебек булмагыз, хезмәт итүегез күз буяу ѳчен булмасын, бәлки, тирән хѳрмәт белән, Аллаһыдан куркып, саф күңелдән эшләгез.

Раббыдан савап алачагыгызны белеп, нәрсә генә эшләсәгез дә, һәммәсен кешеләр ѳчен түгел, бәлки Раббы ѳчен эшләгән кебек ихлас күңелдән эшләгез, чѳнки сез Раббы Мәсихкә хезмәт итәсез.

Раббыдан савап алачагыгызны белеп, нәрсә генә эшләсәгез дә, һәммәсен кешеләр ѳчен түгел, бәлки Раббы ѳчен эшләгән кебек ихлас күңелдән эшләгез, чѳнки сез Раббы Мәсихкә хезмәт итәсез.

Ә хаксызлык кылучы үзенең кылган хаксызлыгын кайтарып алачак; Аллаһы каршында барысы да тигез.

← Предыдущая

К Колоссянам

Следующая →

1 2 3 4

Выбор основного перевода