Книга К Галатам Cтих 4 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

К Галатам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

К Галатам

Следующая →

1 2 3 4 5 6

Мин моны күздә тотам: варис әле бала вакытта, һәрнәрсәнең иясе булса да, колдан бернәрсә белән дә аерылмый.

Атасы билгеләгән вакытка кадәр ул тәрбияләүчеләренә һәм йорт идарәчеләренә буйсына.

Без дә бала вакытта бу дѳнья белән идарә итүче кѳчләр коллыгында идек.

Әмма Аллаһы, билгеләнгән вакыт җиткәч, хатын-кыздан туган, яһүдләр канунына буйсына торган Улын җибәрде. Аллаһының Улы, канун астында булганнарны йолып, аларны Аллаһы балалары итү ѳчен килде.

Параллельные места

От Матфея 5:17

Минем хакта, Муса канунын яки пәйгамбәрләр язганнарны юкка чыгарырга килгән, дип уйламагыз. Мин юкка чыгарырга дип түгел, бәлки башкарырга дип килдем!

Әмма Аллаһы, билгеләнгән вакыт җиткәч, хатын-кыздан туган, яһүдләр канунына буйсына торган Улын җибәрде. Аллаһының Улы, канун астында булганнарны йолып, аларны Аллаһы балалары итү ѳчен килде.

Ә сез Аның балалары булганга, Аллаһы Үз Улының: «Абба, Әти!» – дип чакыручы Рухын сезнең йѳрәкләрегезгә җибәрде.

Шуңа күрә син – инде кол түгел, бәлки Аның баласы. Әгәр бала икәнсең, димәк, син – Аллаһы аша варис та.

Әмма элек, сез Аллаһыны белмәгәндә, чынлыкта илаһ булмаганнарга кол булып хезмәт иттегез.

Хәзер исә, Аллаһыны танып белгәч, дѳресрәге, Аллаһы тарафыннан танылганнан соң, ни ѳчен дѳнья белән идарә итүче теге зәгыйфь һәм файдасыз кѳчләргә кабат борыласыз һәм яңадан үзегезне аларның колы итәргә телисез?

Сез билгеле бер кѳннәргә, айларга, елларга һәм башка бәйрәмнәргә аерым игътибар бирәсез.

Сезгә куйган авыр хезмәтем юкка гына булмадымы икән дип, сезнең ѳчен куркам.

Имандашлар, үтенеп сорыйм, минем кебек булыгыз, чѳнки мин дә сезнең кебек булдым. Сез мине бернәрсә белән дә рәнҗетмәдегез.

Мин, авыру булганга күрә, сезгә беренче тапкыр Яхшы хәбәрне игълан иттем. Сез бу турыда беләсез.

Ләкин минем авыруым сезнең ѳчен сынау булса да, миңа чирканып карамадыгыз һәм мине кире какмадыгыз, бәлки Аллаһы фәрештәсен, Мәсих Гайсәнең Үзен кабул иткән кебек кабул иттегез.

Сезнең куанычыгыз кая китте соң? Сезнең хакта үзем үк әйтеп бирә алам: әгәр мѳмкин булса, сез үз күзләрегезне чокып алып, миңа биргән булыр идегез.

Сезгә хакыйкать сѳйләвем аркасында дошманыгызга әйләндемме әллә?

Канун астында булуыгызны теләүчеләр сезнең белән бик нык кызыксыналар, әмма яхшы ният белән түгел. Үзләре турында кайгыртуыгызны теләп, алар сезне миннән аерып алырга ниятлиләр.

Кызыксыну яхшы ният белән булганда гына әйбәт. Мин яныгызда чакта гына түгел, бәлки һәрвакыт шулай эшләү яхшы.

Балаларым, Мәсих сезнең тормышыгызның аерылгысыз ѳлешенә әверелгәнгә кадәр, сезнең ѳчен мин бала тудыру газабын яңадан кичерәм!

Хәзер мин сезнең яныгызда булырга һәм бѳтенләй башкача сѳйләшергә теләр идем, чѳнки мин сезнең хакта ишетеп аптырашта калдым.

Канунга буйсынырга теләүчеләр, әйтегез әле миңа: сез әллә канунны ишетмисезме?

Чѳнки анда: «Ибраһимның ике улы булган, аларның берсе колдан, ә икенчесе ирекле хатыннан туган», – дип язылган.

Әмма колдан туганы, гадәттә, балалар ничек дѳньяга килсәләр, шул рәвешчә туган, ә ирекле хатыннан булганы Аллаһының вәгъдәсе буенча туган.

Бу читләтеп әйтү. Бу хатыннар ике килешүне гәүдәләндерә: берсе Синай тавыннан булып, кол булачак балалар тудыра, ул – Һаҗәр.

Һаҗәр Гарәбстандагы Синай тавына һәм хәзерге Иерусалимга туры килә, чѳнки хәзерге Иерусалим үзенең балалары белән коллыкта.

Ә күктәге Иерусалим ирекле, безгә ул – ана.

Чѳнки Изге язмада болай дип язылган: «Балага узмаучы, бала тудырмаучы хатын, сѳен. Бала тудыру газабын белмәүче хатын, кычкырып шатлыгыңны белдер. Чѳнки ялгызак хатынның балалары ире булганныкыннан күбрәк».

Сез исә, имандашлар – Исхак кебек, вәгъдә балалары.

Әмма теге вакыттагы кебек, Рух аркасында туганны гадәти рәвештә туган ничек эзәрлекләгән булса, хәзер дә шулай.

Әмма Изге язма нәрсә ди соң? «Кол хатынны һәм аның улын куып чыгар, чѳнки кол хатынның улы ирекле хатын улы белән беркайчан да бергә варис булмаячак».

Шуңа күрә, имандашлар, без – кол хатын балалары түгел, бәлки ирекле хатын балалары.

← Предыдущая

К Галатам

Следующая →

1 2 3 4 5 6

Выбор основного перевода