Книга Деяния Cтих 20 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Деяния Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Шул вакытларда Һируд патша, явызлык эшләү нияте белән, иман итүчеләр бердәмлегендәге кайбер кешеләрне эзәрлекли башлады.

Яхъяның туганы Ягъкубны кылыч белән чабып үтертте.

Бу эшнең яһүдләргә ошавын күреп, Петерне дә кулга алды – ул вакытта Тѳче күмәч бәйрәме кѳннәре иде –

аны зинданга утыртты һәм, Коткарылу бәйрәменнән соң халык алдына чыгарырга уйлап, дүртәр гаскәридән торган дүрт тѳркемгә аны сакларга әмер бирде.

Петер зинданда сак астында булган вакытта иман итүчеләр бердәмлегендә аның ѳчен Аллаһыга бик тырышып дога кылдылар.

Һируд Петерне халык алдына чыгарырга теләгән кѳнгә каршы тѳндә Петер, ике богау белән богауланган хәлдә, ике гаскәри уртасында йоклап ята иде. Ә ишек янында каравылчылар сакта торды.

Кинәт Раббының бер фәрештәсе пәйда булды һәм бүлмә эче яктырып китте. Фәрештә Петерне тѳртеп уятты. – Тизрәк тор! – диде ул аңа. Шул вакыт Петернең кулларыннан богаулары шуып тѳште.

– Билеңне бу һәм аягыңа ки, – диде фәрештә. Ул шулай эшләде. – Ѳс киемеңне ки дә минем арттан бар, – диде аннары.

Петер, фәрештә кылган бу эшләрнең чынбарлыкта икәнен дә аңламыйча, аның артыннан китте. Ул, илаһи күренеш күрәмдер, дип уйлады.

Беренче һәм икенче сакчыны үтеп, шәһәргә чыга торган тимер капка янына килеп җиттеләр. Капка үзеннән-үзе ачылды, алар урамга чыктылар һәм, бер урамны үткәннән соң, кинәт фәрештә аның берүзен калдырды.

Шул вакыт Петер аңына килде: – Хәзер мин чынлап та беләм: Раббы Үзенең фәрештәсен җибәргән. Ул мине Һируд кулыннан һәм яһүд халкы минем белән булыр дип кѳткән һәрнәрсәдән коткарды, – дип уйлады ул.

Барын да аңлагач, Марк исемле Яхъяның анасы Мәрьям йортына килде. Анда җыелган халык дога кыла иде.

Петер ишек шакыды, ишек ачарга дип Роди исемле хезмәтче кыз чыкты.

Петернең тавышын таныгач, ул, шатлыгыннан, ишекне ачарга да онытып, йѳгереп кереп китте һәм йорттагыларга Петернең ишек янында торуы турында әйтте.

– Син үз акылыңдамы? – диделәр аңа. Әмма кыз үз сүзендә торды. Ә тегеләр: – Ул аның фәрештәседер, – диделәр.

Петер исә һаман шакыды. Ишекне ачтылар һәм аны күреп хәйран калдылар.

Ул, кулы белән ишарә ясап, тавышланмаска кушты һәм Раббының аны ничек итеп зинданнан чыгаруы турында аларга сѳйләп бирде. – Бу хакта Ягъкубка да, туганнарга да әйтегез, – диде ул. Шуннан соң Петер башка урынга китте.

Кѳн тугач, Петер белән нәрсә булды икән дип, гаскәриләр борчыла башладылар.

Һируд исә, аны эзләтеп тә таптыра алмагач, сакчылардан сорау алды һәм аларны үтерергә әмер бирде. Шуннан соң Һируд Яһүдиядән Кайсариягә китте һәм шунда калды.

Ул Тур һәм Сидун шәһәрләрендә яшәүчеләргә бик ачулы иде. Алар исә, үзара сүз беркетеп, аның янына килделәр һәм, патшаның сарай идарәчесе Бластыны үз якларына аударып, солых сорадылар, чѳнки аларның ѳлкәсе патша ѳлкәсеннән туена иде.

Параллельные места

От Матфея 11:21

От Матфея 15:21

– Кайгы сиңа, Хоразин! Кайгы сиңа, Бәйтсайда! Әгәр сездә эшләнгән могҗизалар Тур һәм Сидун шәһәрләрендә күрсәтелгән булса, алар күптән инде тупас киемнәр киеп һәм кѳлгә утырып тәүбә итәрләр иде. Гайсә ул урыннан Тур һәм Сидун җирләренә китте.

Билгеләнгән кѳнне Һируд, патша киемнәренә киенеп, хѳкем итү урынына утырды һәм алар алдында чыгыш ясады.

Ә халык: – Бу тавыш – кеше тавышы түгел, бу – илаһ тавышы, – дип кычкырды.

Шушы шѳһрәтне Аллаһыга бирмәгән ѳчен Раббының бер фәрештәсе кинәт Һирудны орды. Ул кортлап үлде.

Аллаһы сүзе исә киң таралды һәм аны кабул итүчеләрнең саны үсә барды.

Ә Барнаб белән Шаул, тапшырылган эшне башкарганнан соң, Марк исемле Яхъяны алып, Иерусалимга кайттылар.

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода