Книга 2. Петра Cтих 6 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

2. Петра Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

2. Петра

1 2 3

1

Сѳекле имандаш туганнарым! Мин сезгә инде икенче хатымны язам. Бу хатларда белгәннәрегез хакында хәтерегезгә тѳшереп, мин сезне дѳрес фикер йѳртүгә дәртләндерәм.

2

Элгәре вакытларда изге пәйгамбәрләр тарафыннан әйтелгән сүзләрне һәм Раббыбыз вә Коткаручыбыз рәсүлләрегез аша биргән әмерне искә тѳшерүегезне телим.

3

Иң элек шуны аңлавыгыз кирәк: соңгы кѳннәрдә үзләренең нәфес теләкләре буенча гамәл кылучы, мыскыллаучы кешеләр чыгачак.

4

Алар: «Гайсә яңадан килергә вәгъдә итмәдемени? Кая соң Ул? Безнең ата-бабаларыбыз үлем йокысына талдылар, ә һәммә нәрсә дѳнья яратылганнан бирле ничек булса, шул килеш кала бирә», – диячәкләр.

5

Әмма алар күк вә җир борынгыдан булуын, аларның Аллаһы сүзе аркылы судан һәм су белән яратылганын юри оныталар.

6

Борынгы дѳнья сүз аркылы туфан суы белән юк ителгән.

Параллельные места

2. Петра 2:5

Аллаһы, тәкъва тормышны вәгазьләүче Нух белән җиде кешедән кала, борынгы җиһанны да аямаган: дәһриләр ѳстенә туфан китерткән.

7

Ә Аллаһының шул ук сүзе белән хәзерге күк һәм җир ут белән юк ителү ѳчен хѳкем кѳненә сакланып тора. Шул кѳндә алар яндырылып бетереләчәкләр һәм дәһриләр һәлак ителәчәкләр.

8

Сез, сѳеклеләрем, бер нәрсәне онытмагыз: Раббы ѳчен бер кѳн мең ел сыман, һәм мең ел бер кѳн сыман.

9

Кайберәүләр озакка суза дип исәпләүләренә карамастан, Раббы Үзенең вәгъдәсен үтәүне озаклатмый. Киресенчә, Ул сезгә зур сабырлык күрсәтә, чѳнки Ул беркемнең дә һәлак булуын теләми, бәлки барысының да тәүбәгә килүен тели.

10

Әмма Раббы кѳне якынлаша! Карак кѳтмәгәндә кергән кебек, Раббы да шулай киләчәк. Күкләр кѳчле дѳмбердәгән тавыш астында юкка чыгачак; күк җисемнәре утта янып таркалачак; җир ѳстендәге һәммә нәрсә фаш ителәчәк.

11

Әгәр һәммә нәрсә шулай таркалачак икән, ул чакта сез нинди кеше булырга тиеш соң? Сез Аллаһының кѳнен кѳткәндә һәм ул кѳннең тизрәк килүе ѳчен тырышканда, тормышыгыз изге һәм Аллаһыга багланган булуы кирәк. Ул кѳнне күк янып таркалачак һәм кызулыктан күк җисемнәре эреп бетәчәк.

12

Әгәр һәммә нәрсә шулай таркалачак икән, ул чакта сез нинди кеше булырга тиеш соң? Сез Аллаһының кѳнен кѳткәндә һәм ул кѳннең тизрәк килүе ѳчен тырышканда, тормышыгыз изге һәм Аллаһыга багланган булуы кирәк. Ул кѳнне күк янып таркалачак һәм кызулыктан күк җисемнәре эреп бетәчәк.

13

Әмма без, Аллаһының вәгъдәсенә инанып, гаделлек хакимлек итә торган яңа күкне һәм яңа җирне кѳтәбез.

14

Шуңа күрә, сѳеклеләрем, моның һәммәсен дә кѳтеп, Аллаһы каршында иминлектә яшәп, һичбер тапсыз, кимчелексез табылуыгыз ѳчен хәлдән килгән бѳтен нәрсәне эшләгез.

15

Раббының сабырлыгын сез котылу мѳмкинлеге дип аңлагыз. Үзенә Аллаһы тарафыннан бирелгән зирәклеге белән безнең сѳекле имандаш туганыбыз Паул да сезгә шулай дип язган иде.

16

Бу хакта ул бѳтен хатларында да яза. Ул хатларда авыр аңлашыла торган кайбер нәрсәләр бар. Белемсез, тотрыксыз кешеләр, башка Изге язмаларны бозган кебек, бу урыннарны да бозып аңлаталар. Моның белән алар үзләрен һәлакәткә дучар итәләр.

17

Ә сез исә, сѳеклеләрем, бу хакта инде белгәнлектән, әхлаксыз кешеләр ялгышлыклары сезне тайпылдырмасын һәм сез, ышанычлы нигездән егылып тѳшмәс ѳчен, сак булыгыз.

18

Раббыбыз һәм Коткаручыбыз Гайсә Мәсих мәрхәмәтендә һәм Аны танып белүдә даими үсегез. Аңа бүген дә һәм мәңге дан булсын! Амин.

← Предыдущая

2. Петра

1 2 3

Выбор основного перевода