Гайсә әйтте:– Сак булыгыз, сезне алдамасыннар!
Сез исә әзер торыгыз: сезне, мәхкәмәләргә тапшырып, хѳкем итәрләр һәм гыйбадәтханәләрдә кыйнарлар. Сез Минем аркада, Минем хакта шаһитлек бирү ѳчен, патшалар һәм идарәчеләр каршына басарсыз.
Карагыз аны, уяу булыгыз! Вакыты кайчан җитәчәген сез белмисез.
Менә шуңа күрә кем дә кем нык торам дип уйлый икән, егылмас ѳчен сак булсын.
Чѳнки алар, күпертелгән буш сүзләр сѳйләп, азгын бәдәни теләкләрен кулланып, ялгыш юлдан баручылар арасыннан әле генә арына башлаганнарны ятьмәгә эләктерергә тырышалар.
Шулай итеп, кайдан егылганыңны исеңә тѳшер һәм, тәүбә итеп, элеккеге эшләреңне эшлә. Югыйсә, әгәр тәүбә итмәсәң, яныңа килермен һәм синең яктырткычыңны урыныннан кузгатырмын.