Книга 1. Тимофею Cтих 18 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

1. Тимофею Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

1. Тимофею

Следующая →

1 2 3 4 5 6

Ѳлкән яшьтәге ир-атларны шелтәләмә, бәлки атаңны үгетләгән кебек үгетлә, яшь ир-атларны, кардәшләреңне үгетләгән кебек,

ѳлкән хатыннарны, анаңны үгетләгән кебек, яшь хатыннарны, бар сафлык белән кыз кардәшләреңне үгетләгән кебек үгетлә.

Чыннан да ялгыз булган тол хатыннарга хѳрмәт күрсәт.

Ә тол хатынның балалары яки оныклары булса, алар башта, ата-аналары һәм әби-бабалары хакында кайгыртып, иманнарын эштә күрсәтергә ѳйрәнсеннәр, чѳнки Аллаһы шуны тели.

Ә чыннан да тол һәм ялгыз хатын Аллаһыга ѳмет баглый һәм, Аллаһыга ялварып, кѳне-тѳне дога кыла.

Ә кәеф-сафага бирелгән тол хатын, яшәсә дә, ул инде үле.

Кимчелексез булсыннар ѳчен, бу турыда кешеләрнең күңеленә сеңдер.

Әгәр дә берәү кардәш-ырулары, бигрәк тә якыннары хакында кайгыртмый икән, ул иманыннан ваз кичкән һәм имансыздан да яманрак була.

Бер ирнең генә хатыны булып, алтмыш яшьтән ким булмаган тол хатын, үзенең игелекле эшләре буенча танылган булса: балалар тәрбияләп үстергән, кунакчыллык күрсәткән, имандашларының аякларын юган, авырлык килгәннәргә ярдәм иткән һәм үзен һәртѳрле игелекле эшкә багышлаган булса гына, толларның бердәмлектәге исемлегенә кертелсен.

Бер ирнең генә хатыны булып, алтмыш яшьтән ким булмаган тол хатын, үзенең игелекле эшләре буенча танылган булса: балалар тәрбияләп үстергән, кунакчыллык күрсәткән, имандашларының аякларын юган, авырлык килгәннәргә ярдәм иткән һәм үзен һәртѳрле игелекле эшкә багышлаган булса гына, толларның бердәмлектәге исемлегенә кертелсен.

Яшь тол хатыннарны исә исемлеккә кертмә, чѳнки алар, җенси теләккә бирелеп, тагын никахка керергә телиләр

һәм, шулай итеп, үзләрен Мәсихкә багышлаудан туктыйлар һәм үзләрен хѳкемгә дучар итәләр.

Шуның ѳстенә алар, ѳйдән-ѳйгә йѳреп, эшлексез булырга күнегәләр һәм эшсез йѳреп кенә калмыйлар, тиешсез нәрсәләр сѳйләп, гайбәт саталар һәм кеше эшенә тыкшыналар.

Шуңа күрә, мин шуны телим: яманатын сатар ѳчен дошманнарга һичнинди сәбәп бирмәс ѳчен, яшь тол хатыннар никахка керсеннәр, балалар тудырсыннар, йорт-җирне карасыннар.

Инде кайберәүләр, дѳрес юлдан читкә борылып, шайтан юлына бастылар бит.

Әгәр ниндидер иман итүче хатынның гаиләсендә толлар булса, бердәмлек алар ѳчен мәшәкатьләнмәсен һәм чыннан да тол булган хатыннарга ярдәм итә алсын ѳчен, ул аларга үзе ярдәм итәргә тиеш.

Яхшы җитәкчелек итүче ѳлкәннәр, бигрәк тә Аллаһы сүзен белдерүдә һәм ѳйрәтүдә авыр хезмәт башкаручылар, ике тапкыр артык алырга лаеклы булып саналсыннар.

Чѳнки Изге язма болай ди: «ашлык сугучы үгезнең авызын томалама» һәм «эшче хезмәт хакына лаек».

Параллельные места

От Матфея 10:10

От Луки 10:7

Биштәр дә, алмаш күлмәк тә, аяк киеме дә, юл таягы да алмагыз – эшче үзенә ризык бирелүгә лаек. Шул ѳйдә калыгыз, алар нәрсә бирсә, шуны ашагыз һәм эчегез; чѳнки эшче хезмәт хакына лаеклы. Ѳйдән-ѳйгә күчеп йѳрмәгез.

Ѳлкәнгә каршы шикаятьне ике яки ѳч шаһит белән булганда гына кабул ит.

Башкаларда да курку тусын ѳчен, гѳнаһ кылучыларны барысы алдында фаш ит.

Аллаһы, Мәсих Гайсә һәм сайланган фәрештәләр алдында мин сиңа кушам: бу кагыйдәләрне алдан ук тискәре карашта торып һәм берьяклылык күрсәтеп кулланма.

Хезмәткә сайлау билгесе итеп, һичкем ѳстенә ашыгычлык белән кулларыңны куйма һәм башкаларның гѳнаһларына катнашма; үзеңне саф тот.

Бүтән коры су гына эчмә, карының ѳчен, еш авырмас ѳчен бераз шәраб та эч.

Инде кайбер кешеләрнең гѳнаһлары билгеле һәм турыдан-туры хѳкемгә илтәләр, ә кайберләренең гѳнаһлары исә соңрак ачылыр.

Шул ук рәвештә игелекле эшләр дә билгеле, әгәр кайберләре билгесез икән, яшеренеп калу мѳмкин түгел.

← Предыдущая

1. Тимофею

Следующая →

1 2 3 4 5 6

Выбор основного перевода