Книга От Марка Cтих 17 | Параллельные места

Уӕд сын Йесо загъта: «Ахсӕв Мӕ уеппӕт дӕр ныууадздзыстут, уымӕн ӕмӕ Сыгъдӕг Фыст зӕгъы: „Амардзынӕн фыййауы, ӕмӕ ныххӕлиу уыдзӕни фысты дзуг". Йесо сын загъта: «Уеппӕт дӕр Мӕ ныууадздзыстут, уымӕн ӕмӕ Сыгъдӕг Фыст зӕгъы: „Амардзынӕн фыййауы, ӕмӕ фыстӕ ныххӕлиу уыдзысты". Ныр уӕ уырнындзинад иудадзыг хъуамӕ уа фидар ӕмӕ ӕнӕфӕцудгӕ, сымах цы фарны уац фехъуыстат, уый уын цы зӕрдӕдарӕн дӕтты, ууыл ма фӕгуырысхо уат. Уыцы фарны уац хъуыстгонд ӕрцыди дунейы ӕппӕт адӕмӕн, ӕмӕ ӕз, Павел, сдӕн йӕ кусӕг. Куыд уын бацамындӕуыд, афтӕ Йӕ скӕнут уӕ царды бындур, рӕзӕд уӕ уырнындзинад, ӕмӕ кӕддӕриддӕр ут бузныг.

Иннӕтӕ та сты, сындзыты ӕхсӕн кӕй байтыдӕуыд, уыдон: ныхас фехъусынц,

Фӕлӕ сын зӕххон царды мӕт, мулчы бӕллиц ӕмӕ ӕндӕр мондӕгтӕ бацахсынц сӕ зӕрдӕ, ныххурх кӕнынц ныхас, ӕмӕ пайда нӕ ратты.

Мӕнӕ бӕзнаг мӕрыл кӕй байтыдӕуыд, уыдон дӕр: фехъусынц ныхас ӕмӕ йӕ айсынц сӕ зӕрдӕмӕ; ӕмӕ сӕ иу ратты дӕс ӕмӕ ссӕдз хатты, иннӕ – ӕртиссӕдз хатты, аннӕ та – фондзыссӕдз хатты фылдӕр пайда».

Йесо сын загъта: «Цырагъ агъуыстмӕ уый тыххӕй, мыййаг, бахӕссынц, цӕмӕй йӕ дурыны кӕнӕ сынтӕджы бын бавӕрой? Цырагъдарӕныл ӕй нӕ сӕвӕрынц, ӕви?

Цы нӕ раргом уа, ахӕм сусӕггаг нӕй, ӕмӕ цы нӕ рахъӕр уа, ахӕм сусӕгдзинад нӕ вӕййы.

Хъустӕ кӕуыл ис, уый хъусӕд!»

Ӕмӕ сын загъта: «Цы хъусут, ууыл-иу ахъуыды кӕнут. Цы барӕнӕй барут, ахӕмӕй сымахӕн дӕр сбарстӕуыдзӕн ӕмӕ ма уын ноджыдӕр рардӕуыдзӕн.

Уымӕн ӕмӕ кӕмӕ ис, уымӕн рардӕуыдзӕн; кӕмӕ нӕй, уымӕй та ист ӕрцӕудзӕн, цы йӕм ис, уый дӕр».

Йесо загъта: «Уӕларвон Паддзахад ахӕм у. Адӕймаг зӕххы байтауы йӕ тауинаг,

Ӕхсӕвыгон вӕййы фынӕй, бонӕй та сысты; уӕдмӕ мыггаг суадзы ӕвзар ӕмӕ рӕзы. Куыд рӕзы, уый та адӕймаг нӕ зоны.

Уымӕн ӕмӕ зӕхх йӕхӕдӕг ратты тыллӕг: фыццаг ӕвзар, стӕй ӕфсир, уый фӕстӕ та – нарст нӕмыг ӕфсирыл.

Ӕмӕ хуым куы фӕбур вӕййы, уӕд адӕймаг уайтагъд рауадзы йе 'хсырф, уымӕн ӕмӕ ралӕууыд кӕрдыны афон».