Ӕмбӕрзӕн бауаф ӕрвхуыз, сырх ӕмӕ сӕнтсырх ӕндӕхтӕй ӕмӕ уӕздан виссонӕй; ӕмбӕрзӕныл херувимтӕ хъуамӕ уой нывӕфтыдӕй.
Ӕрвхуыз, сырх ӕмӕ сӕнтсырх ӕндӕхтӕй ӕмӕ уӕздан виссонӕй сарӕзтой ӕмбӕрзӕн, ӕмӕ йыл бауафтой херувимтӕ.
Дыккаг ӕмбӕрзӕны фӕстӕ та уыди, «Иууылсыгъдӕг» чи хуыйны, уыцы уат.
Ныр та ӕрцыд Чырысти – ӕцӕг хорзӕхтӕ нын Чи ӕрхаста, уыцы Алчер, ӕмӕ бацыд ӕндӕр Цатырмӕ. Уыцы Цатыр у ахсджиагдӕр ӕмӕ алцӕмӕй дӕр ӕххӕст; лӕджыкъухӕйконд нӕу, ома, нӕу ацы дунейӕ.
Уӕдӕ нӕ, ӕфсымӕртӕ, ныфс ис, Йесойы Туджы фӕрцы ног ӕмӕ царддӕттӕг фӕндагыл Иууылсыгъдӕгмӕ кӕй бацӕудзыстӕм, уымӕй.