Уымӕн ӕмӕ фӕзындзысты мӕнгчырыститӕ ӕмӕ мӕнгпехуымпартӕ, равдисдзысты ӕвдисӕйнӕгтӕ ӕмӕ диссӕгтӕ, цӕмӕй, гӕнӕн ӕмӕ амалӕй, асайой ӕвзӕрстыты.
Уӕд Ын иудейтӕ загътой: «Ахӕм бартӕ Дӕм кӕй ис, ууыл нӕ цавӕр ӕвдисӕйнагӕй баууӕндын кӕндзынӕ?»
Равдисдзынӕн диссӕгтӕ уӕлейӕ, арвыл, ӕмӕ ӕвдисӕйнӕгтӕ бынӕй, зӕххыл: туг, арт ӕмӕ фӕздӕджы къуыбылӕйттӕ.
Израилӕгтӕ, байхъусут ацы ныхӕстӕм: Назаретаг Йесойы уын Хуыцау равдыста стыр хъуыддӕгтӕй, диссӕгтӕй ӕмӕ ӕвдисӕйнӕгтӕй. Ӕппӕт уыдӕттӕ уыцы Лӕджы фӕрцы Хуыцау скодта уе 'хсӕн, уӕхӕдӕг куыд зонут, афтӕ.
Апостолты фӕрцы-иу сарӕзтӕуыд бирӕ диссӕгтӕ ӕмӕ ӕвдисӕйнӕгтӕ, ӕмӕ алы адӕймаг дӕр тарсти Хуыцауӕй.
Дӕ къух радар, цӕмӕй Дӕ сыгъдӕг Лӕггадгӕнӕг Йесойы номӕй дзӕбӕх кӕной рынчынтӕ ӕмӕ ӕвдыстӕуа ӕвдисӕйнӕгтӕ ӕмӕ диссӕгтӕ».
Ӕвдисӕйнӕгтӕй ӕмӕ диссӕгтӕй, Хуыцауы Уды хъаруйӕ. Афтӕмӕй Чырыстийы фарны уац ӕз ахӕлиу кодтон Иерусалимӕй суанг Иллирикмӕ.
Уыцы уац ӕцӕг кӕй у, уый Хуыцау Йӕхӕдӕг равдыста ӕвдисӕйнӕгтӕй, диссӕгтӕй, алыхуызон домбай хъуыддӕгтӕй, Сыгъдӕг Уд цы курдиӕттӕ дӕтты, уыдонӕй Йӕхи фӕндонмӕ гӕсгӕ бахай кӕнынӕй.