Фӕлӕ Хуыцау ныхас кодта Моисей ӕмӕ Ааронимӕ, ӕмӕ сӕ арвыста израилаг адӕммӕ ӕмӕ фараонмӕ, мысыраг паддзахмӕ. Хуыцау сын бафӕдзӕхста израилаг адӕмы Мысыры зӕххӕй ракӕнын.
Фараон уӕм нӕ байхъусдзӕн; ӕмӕ Ӕз бафхӕрдзынӕн Мысыр; ӕмӕ Мӕ израилаг адӕмы, Израилы байзӕддӕгты, ракӕндзынӕн Мысыр карзӕй бафхӕрыны фӕстӕ.
Ма рох кӕнут донгонд дзулты бӕрӕгбон, уымӕн ӕмӕ уӕ Ӕз уыцы бонты ракодтон Мысыры зӕххӕй – ӕфсады иу къорд иннӕйы фӕдыл цӕуӕгау. Уӕ фидӕны фӕлтӕртӕ бӕрӕг кӕнӕнт уыцы бон – уый уын мыггагмӕ лӕвӕрд ӕгъдау у.