Книга Исход Cтих 34 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Хуыцау дзырдта Моисейӕн: «

Израилаг адӕмӕн зӕгъ, ӕмӕ Мын ӕрхӕссой лӕвӕрттӕ; лӕвар ӕрхӕссын кӕйдӕриддӕр бафӕнда, уымӕй йӕ райсут Мӕнӕн.

Исут сӕ ахӕм лӕвӕрттӕ: сыгъзӕрин, ӕвзист, ӕрхуы,

Ӕрвхуыз, сырх ӕмӕ сӕнтсырх ӕндӕхтӕ, виссон ӕмӕ тинтычъи.

Фысдзӕрмттӕ сырх ахуырстӕй, тӕнӕг сӕрӕхътӕ, хъӕдӕрмӕг акъацийӕ,

Зети рухсгӕнӕнтӕн, хӕрздӕфтӕ сӕрдӕн зетийӕн ӕмӕ хӕрздӕф буд судзынӕн.

Оникс ӕмӕ ӕндӕр зынаргъ дуртӕ ефодӕн ӕмӕ риуылдарӕн хызынӕн.

Адӕм Мын сараздзысты кувӕндон, ӕмӕ Ӕз цӕрдзынӕн се 'хсӕн.

Мӕнӕ дын Ӕз ӕвдисын Цатыр, стӕй йӕ мигӕнӕнтӕ цавӕр хъуамӕ уой, уый; ӕмӕ ӕппӕт дӕр сараз афтӕ.

Акъацийӕ сараз Чырын; йӕ дӕргъ уӕд дыууӕ ӕлмӕрины ӕмӕ ӕрдӕг, йӕ уӕрх – ӕлмӕрин ӕмӕ ӕрдӕг, йӕ бӕрзӕнд – ӕлмӕрин ӕмӕ ӕрдӕг.

Мидӕгӕй ӕмӕ ӕдде йӕ сӕвдул сыгъдӕг сыгъзӕриндоны; уӕле йын йӕ кӕрӕттыл сӕвӕр сыгъзӕрин тӕлмытӕ.

Джиппы йын рауадз цыппар сыгъзӕрин цӕджы, ӕмӕ сӕ бафидар кӕн йӕ цыппар тигъмӕ: дыууӕ цӕджы – иуӕрдыгӕй, дыууӕ цӕджы – иннӕрдыгӕй.

Акъацийӕ сараз хъилтӕ, ӕмӕ сӕ сӕвдул сыгъзӕриндоны.

Чырыны тигътыл цӕгты атъысс хъилтӕ Чырын хӕссынӕн.

Уыцы хъилтӕ кӕддӕриддӕр хъуамӕ уой цӕгты, уырдыгӕй сын райсӕн нӕй.

Ӕз дын ратдзынӕн фидыды тыххӕй ӕвдисӕйнаг, ӕмӕ йӕ нывӕр Чырыны.

Чырыны сӕр сараз сыгъдӕг сыгъзӕринӕй; йӕ дӕргъ – дыууӕ ӕлмӕрины ӕмӕ ӕрдӕг, йӕ уӕрх – ӕлмӕрин ӕмӕ ӕрдӕг.

Сараз дыууӕ херувимы сыгъзӕринӕй; зӕрингуырд куыд аразы, афтӕ сӕ сараз Чырыны сӕры дыууӕ кӕроныл.

Херувимтӕй иу хъуамӕ уа Чырыны сӕры иу кӕрон, аннӕ та – йӕ иннӕ кӕрон. Херувимтӕ хъуамӕ къуыпп дарой Чырыны сӕры дыууӕ кӕроныл.

Херувимтӕ схӕцӕнт сӕ базыртыл. Чырыны сӕр хъуамӕ бамбӕрзой сӕ базыртӕй; херувимтӕ кӕрӕдзимӕ кӕсдзысты Чырыны сӕрты.

Чырыныл ӕрӕвӕр йӕ сӕр, ӕмӕ дзы бафснай, Ӕз дын кӕй ратдзынӕн, уыцы ӕвдисӕйнаг нӕ фидыды тыххӕй.

Уым, фидыды Чырыны сӕрмӕ, цы дыууӕ херувимы ис, уыдоны ӕхсӕниу фембӕлдзынӕн демӕ ӕмӕиу дын зӕгъдзынӕн Мӕ амындтӕ израилаг адӕмӕн.

Акъацийӕ сараз фынг; йӕ дӕргъ – дыууӕ ӕлмӕрины, йӕ уӕрх – иу ӕлмӕрин, йӕ бӕрзӕнд – ӕлмӕрин ӕмӕ ӕрдӕг.

Сӕвдул ӕй сыгъдӕг сыгъзӕриндоны, йӕ кӕрӕттӕ йын ӕгасӕй дӕр сараз сыгъзӕринӕй.

Йӕ алыварс ын сӕвӕр армы фӕтӕнӕн фӕлгӕт – йӕ кӕрӕттыл сыгъзӕрин тӕлмимӕ.

Сараз цыппар сыгъзӕрин цӕджы, ӕмӕ йын сӕ йӕ цыппар къахы цур бафидар кӕн йӕ цыппар тигъмӕ,

Хъилтӕ сӕ атъыссынӕн ӕмӕ фынг хӕссынӕн цӕгтӕ хъуамӕ уой фӕлгӕтыл.

Фынг цы хъилтыл хӕсдзысты, уыдон сараз акъацийӕ ӕмӕ сӕ сӕвдул сыгъзӕриндоны.

Сараз ын тӕбӕгътӕ, чысыл къустӕ, дурынтӕ ӕмӕ кӕхцытӕ сӕнӕн; сараз сӕ сыгъдӕг сыгъзӕринӕй.

Фынгыл ӕвӕр сӕрмагондӕй Мӕнӕн конд дзултӕ; уый иудадзыг хъуамӕ уа Мӕ разы.

Зӕрингуырд куыд аразы, афтӕ сараз рухсгӕнӕн сыгъдӕг сыгъзӕринӕй. Рухсгӕнӕн йӕ зӕнг, йӕ къалиутӕ, йӕ дидинхуыз фӕлындӕнтӕ – дидинӕджы къуырфтӕ ӕмӕ дидинсыфтӕ – хъуамӕ уой ӕмхӕст.

Йӕ фӕрстыл уӕнт ӕхсӕз къалиуы: ӕртӕ къалиуы – иуӕрдыгӕй, ӕртӕ къалиуы – иннӕрдыгӕй.

Алы къалиуыл дӕр хъуамӕ уа ӕртӕ дидинӕджы; уыдон хъуамӕ уой миндалы хуызӕн фӕлындӕнтимӕ – дидинӕджы къуырфтимӕ ӕмӕ дидинсыфтимӕ. Ахӕм дидинджытӕ хъуамӕ уой рухсгӕнӕны ӕппӕт ӕхсӕз къалиуыл дӕр.

Рухсгӕнӕны зӕнгыл ноджыдӕр сараз, миндалы дидинджыты хуызӕн фӕлындӕнтӕ – цыппар дидинӕджы сӕ къуырфтимӕ ӕмӕ сӕ дидинсыфтимӕ.

Параллельные места

Исход 37:20

Рухсгӕнӕны зӕнгыл уыди миндалы дидинджыты хуызӕн цыппар фӕлындӕны дидинӕджы къуырфытимӕ ӕмӕ дидинсыфтимӕ.

Рухсгӕнӕныл цы ӕхсӕз къалиуы ис, уыдонӕй дыууӕйы бынмӕ – дидинӕджы къуырф, иннӕ дыууӕ къалиуы бынмӕ дӕр – дидинӕджы къуырф, аннӕ дыууӕ къалиуы бынмӕ дӕр – дидинӕджы къуырф. Афтӕ фӕлыст хъуамӕ уой рухсгӕнӕны ӕхсӕз къалиуы дӕр.

Ӕппӕт фӕлындӕнтӕ ӕмӕ къалиутӕ хъуамӕ ӕмхӕст уой рухсгӕнӕнимӕ. Рухсгӕнӕн ӕнӕхъӕнӕй дӕр хъуамӕ уа сыгъдӕг сыгъзӕринӕй, ӕмӕ зӕрингуырдтӕ куыд аразынц, афтӕ арӕзт.

Рухсгӕнӕныл сараз авд цырагъы, сӕ рухс рухсгӕнӕны размӕ куыд кӕла, афтӕ.

Сыгъдӕг сыгъзӕринӕй йын сараз ӕртыскӕн ӕмӕ ӕртхутӕгдонтӕ.

Рухсгӕнӕныл йеппӕт мигӕнӕнтимӕ бахардз кӕн сыгъдӕг сыгъзӕрины киккар.

Ма дӕ ферох уӕд: ӕппӕт дӕр сараз, хохыл дын сӕ куыд равдыстон, афтӕ.

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода