Книга Исход Cтих 31 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Хуыцау загъта Моисейӕн: «

Израилаг адӕмӕн зӕгъ: раздӕхӕнт ӕмӕ ӕрлӕууӕнт ПиГахирофы раз, Мигдолӕй денджызы ӕхсӕн – ВаалЦефонмӕ хӕстӕг; йӕ акомкоммӕ йын денджызы былыл ӕрӕвӕрут уӕ цатыртӕ.

Ӕмӕ фараон израилаг адӕмӕй зӕгъдзӕни: „Ныдздзӕгъӕл сты уыцы бӕстӕйы – ӕдзӕрӕг быдырӕн йӕ уацары бахаудтой“.

Ӕз фараоныл бафтаудзынӕн хивӕнд, ӕмӕ уӕ фӕсте расурдзӕн; уӕд Ӕз бафхӕрдзынӕн фараоны ӕмӕ йеппӕт ӕфсады. Ӕмӕ мысырӕгтӕ базондзысты, Ӕз Дунедарӕг кӕй дӕн, уый. Ӕмӕ скадджын уыдзынӕн». Адӕм бакодтой, Дунедарӕг сын куыд бафӕдзӕхста, афтӕ.

Мысыры паддзахӕн фехъусын кодтой, адӕм кӕй алыгъдысты, уый тыххӕй. Уӕд фараон ӕмӕ йӕ фӕсдзӕуинтӕ загътой: «Ай цы сарӕзтам? Израилӕгты куы ауагътам, уӕд ма нын чи кусдзӕн?»

Фараон сифтыгъта йӕ хӕстон бӕхуӕрдон, йӕ адӕмы дӕр ракодта йемӕ.

Фараонимӕ уыдысты ӕхсӕзсӕдӕ хуыздӕр бӕхуӕрдоны, ӕмӕ ӕппӕт мысыраг уӕрдонджын ӕфсад сӕ хицӕуттимӕ.

Дунедарӕг хивӕнд бафтыдта фараоныл, Мысыры паддзахыл, ӕмӕ уый фӕсте асырдта израилаг адӕмы. Израилаг адӕм та ӕдӕрсгӕ лӕгӕрстой размӕ.

Мысырӕгтӕ сӕ асырдтой фӕсте фараоны ӕппӕт хӕстон бӕхуӕрдӕттимӕ, барджытимӕ, ӕппӕт ӕфсадимӕ; баййӕфтой сӕ ПиГахирофы фарсмӕ, ВаалЦефоны бакомкоммӕ денджызы былыл сӕ цатыртӕ кӕм ӕрӕвӕрдтой, уым.

Фараон сӕм куы баввахс, уӕд израилаг адӕм акастысты фӕстӕмӕ ӕмӕ федтой: мысырӕгтӕ цӕуынц сӕ фӕдыл; израилаг адӕм стыр тасы бафтыдысты, сдзынӕзтой Хуыцаумӕ,

Ӕмӕ Моисейӕн загътой: «Мысыры нын ингӕнтӕ нӕ разындаид, ӕви? Мӕлынмӕ нӕ ӕдзӕрӕг ранмӕ цӕмӕн рахуыдтай? Уый нын цы бакуыстай, цӕмӕн нӕ ракодтай Мысырӕй?

Мысыры ма куы уыдыстӕм, уӕд дын дзӕгъӕлы куы нӕ дзырдтам: „Ныууадз нӕ, кусдзыстӕм мысырӕгтӕн!“ Ӕдзӕрӕг быдыры амӕлынӕй мысырӕгтӕн цагъарӕй цӕрын хуыздӕр у».

Уӕд Моисей адӕмӕн загъта: «Ма тӕрсут, ӕнцад ут ӕмӕ фендзыстут, Хуыцау уӕ абон куыд фервӕзын кӕндзӕн, уый. Ныртӕккӕ кӕй уынут, уыцы мысырӕгты мыггагмӕ дӕр никуал фендзыстут.

Хуыцау тох кӕндзӕн уӕ бӕсты, сымах та ӕнцад ут».

Хуыцау загъта Моисейӕн: «Цы Мӕм дзыназыс? Зӕгъ израилаг адӕмӕн, ӕмӕ цӕуой дарддӕр.

Ды та сис дӕ лӕдзӕг ӕмӕ йӕ денджызырдӕм адар, денджыз фӕдих уыдзӕн, ӕмӕ израилаг адӕм йӕ астӕуты ацӕудзысты сурзӕххыл.

Ӕз та хивӕнд бафтаудзынӕн мысырӕгтыл, ӕмӕ фӕсте асурдзысты израилӕгты. Уӕд мӕ тых равдисдзынӕн фараоныл ӕмӕ йеппӕт ӕфсадыл, йӕ хӕстон уӕрдӕттыл ӕмӕ йӕ барджытыл. Ӕмӕ Ӕз скадджын уыдзынӕн.

Фараоныл, йӕ уӕрдӕттыл ӕмӕ йӕ барджытыл Мӕ хъару куы равдисон ӕмӕ уымӕй куы скадджын уон, уӕд мысырӕгтӕ базондзысты, Ӕз Дунедарӕг кӕй дӕн, уый».

Израилӕгтӕн сӕ разӕй чи цыди, Хуыцауы уыцы зӕд ныууагъта йӕ бынат ӕмӕ слӕууыди сӕ фӕстӕ; ӕврагъы хуызӕн цӕджындз дӕр слӕууыди сӕ фӕстӕ.

Ӕмӕ бацыд мысырӕгты ӕмӕ израилӕгты ӕхсӕн. Ӕврагъ уыди саудары хӕдастӕу, ӕмӕ рухс кодта ӕхсӕвы. Уыцы ӕхсӕв мысырӕгтӕ ӕмӕ израилӕгтӕ кӕрӕдзимӕ нӕ баввахс сты.

Моисей йӕ къух адардта денджызмӕ, ӕмӕ ӕнӕхъӕн ӕхсӕв Дунедарӕг тардта денджыз тыхджын скӕсӕйнаг дымгӕйӕ – денджыз фӕцыди дыууӕрдӕм ӕмӕ разынд йӕ бын.

Израилаг адӕм денджызы мидӕг ацыдысты сурзӕххыл. Денджызы дон та сӕ рахиз ӕмӕ сӕ галиу фарс слӕууыд къултау.

Мысырӕгтӕ сӕ асырдтой, ӕмӕ сӕ фӕдыл денджызмӕ бахызтысты фараоны ӕппӕт бӕхтӕ, йӕ хӕстон уӕрдӕттӕ ӕмӕ барджытӕ.

Боныцъӕхтыл судзгӕ цӕджындзӕй ӕмӕ ӕврагъӕй Хуыцау ракаст мысырӕгтӕм, ӕмӕ сӕ ӕддӕгмидӕг ауайын кодта.

Хӕстон уӕрдӕтты цӕлхытӕ ныссӕдзын кодта зӕххы, мысырӕгтӕ сӕ хъуырдухӕнӕй тардтой. Уӕд мысырӕгтӕ загътой: «Фӕлидзӕм израилӕгтӕй, уымӕн ӕмӕ сӕ бӕсты Дунедарӕг хӕцы немӕ».

Хуыцау загъта Моисейӕн: «Дӕ къух адар денджызмӕ, ӕмӕ йӕ дон раивылдзӕн мысырӕгтыл, сӕ хӕстон уӕрдӕттыл ӕмӕ сӕ барджытыл».

Моисей йӕ къух адардта денджызмӕ, ӕмӕ бонмӕ денджызы дон сӕумӕйӕ бацахста йӕ раздӕры бынат; мысырӕгтӕ сӕхи къахӕй згъордтой денджызы хъӕбысмӕ. Афтӕ Хуыцау мысырӕгты фӕдӕлдон кодта денджызы.

Денджызы дон раздӕхт йӕ бынатмӕ, ӕмӕ Израилы фӕдыл денджызмӕ чи бахызти, уыцы хӕстон уӕрдӕттӕ ӕмӕ фараоны ӕппӕт ӕфсад йӕ быны фесты, иу дӕр сӕ нал аирвӕзт.

Израилаг адӕм та денджызы хӕдастӕуты цыдысты сурзӕххыл: сӕ рахиз фарс ӕмӕ сӕ галиу фарс денджызы дон лӕууыд къулау.

Уыцы бон Хуыцау израилӕгты бахызта мысырӕгты къухӕй. Израилӕгтӕ фӕстӕдӕр денджызы былыл федтой мысырӕгты мӕрдтӕ.

Хуыцау куы фӕцагъта мысырӕгты, уӕд Ын израилӕгтӕ федтой Йе стыр хъару; адӕмы бацыди Хуыцауы тас, ӕмӕ уӕд баууӕндыдысты Дунедарӕгыл ӕмӕ Йӕ цагъар Моисейыл. Уӕд Моисей ӕмӕ Израилы адӕм ныззарыдысты зарӕг Хуыцауӕн:

Параллельные места

От Иоанна 2:11

От Иоанна 11:45

Откровение 15:3

Йесо галилейаг Канӕйы цы бакодта, уый уыди Йӕ диссӕгты райдайӕн, уымӕй равдыста Йӕ намыс ӕмӕ Йыл Йӕ ахуыргӕнинӕгтӕ баууӕндыдысты. Уӕд Мариамӕ чи ӕрцыд ӕмӕ Йесо цы бакодта, уый чи федта, уыцы иудейтӕй Йыл бирӕтӕ баууӕндыдысты. Ӕмӕ зарынц Хуыцауы цагъар Моисейы зарӕг ӕмӕ Уӕрыччы зарӕг: «Стыр ӕмӕ диссаг сты Дӕ хъуыддӕгтӕ, Дунедарӕг Хицау Хуыцау! Раст ӕмӕ ӕцӕг сты Дӕ фӕндӕгтӕ, адӕмты Паддзах!

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода