Асиныл лӕууы Дунедарӕг Хуыцау ӕмӕ дзуры: «Ӕз дӕн Дунедарӕг, дӕ фыдӕл Авраамы Хуыцау ӕмӕ Исаакы Хуыцау. Ды цы зӕххыл хуыссыс, уый ратдзынӕн дӕуӕн ӕмӕ дӕ байзӕддӕгтӕн.
Иаков сыстади сӕумӕйӕ, ӕмӕ йӕ нывӕрзӕнӕй райста дур, нысанӕн ӕй сӕвӕрдта ӕмӕ йыл ауагъта зети.
Иаков ӕмӕ йеппӕт адӕм ӕрцыдысты, ханаанаг зӕххыл цы Луз (Вефил) ис, уырдӕм.
Мӕнӕ Сеиры хӕхбӕстаг идумейӕгты фыдӕл Исавы байзӕддӕгтӕ.
Исавы фыртты нӕмттӕ: Елифаз – Исавы ус Адӕйы лӕппу; Рагуил – Исавы ус Васемафӕйы лӕппу.
Елифазы фырттӕ: Феман, Омар, Цефо, Гафам ӕмӕ Кеназ.
Исавы фырт Елифазӕн уыди номылус Фамнӕ; уый Елифазӕн ныййардта Амаликы. Уыдон сты Исавы ус Адӕйы зӕнӕджызӕнӕг.