Книга Бытие Cтих 11 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Уыцы цауты фӕстӕ Иосифӕн загътой: «Дӕ фыд рынчын у». Уӕд Иосиф йемӕ акодта йӕ дыууӕ фырты – Манасси ӕмӕ Ефремы.

Иаковӕн загътой: «Дӕ фырт Иосиф дӕм ӕрцыд». Израил зынтӕй рабадт йӕ хуыссӕны

Ӕмӕ Иосифӕн загъта: «Лузы, Ханааны зӕххыл, мӕнмӕ фӕзынди Ӕппӕтхъомыс Хуыцау, арфӕ мыл бафтыдта,

Ӕмӕ мын загъта: „Ӕз дын ратдзынӕн бирӕ байзӕддӕгтӕ, сбирӕ дӕ кӕндзынӕн, дӕуӕй рауадздзынӕн бирӕ адӕмтӕ, ӕмӕ дӕ фӕстӕ ацы зӕхх ӕнусмӕ ратдзынӕн дӕ байзӕддӕгтӕн“.

Ӕз дӕм цалынмӕ Мысырмӕ ӕрцыдтӕн, уӕдмӕ дын Мысыры чи райгуырди, ныр дӕ уыцы дыууӕ фырты, Ефрем ӕмӕ Манасси, мӕн сты, Рувим ӕмӕ Симеон мӕн куыд сты, афтӕ.

Сӕ фӕстӕ дын цы сывӕллӕттӕ райгуыра, уыдон та дӕхи уыдзысты. Фӕлӕ нымад уыдзысты се 'фсымӕрты мыггагыл, ӕмӕ сӕ хай райсдзысты уыдоны зӕххӕй.

Ӕз Падданӕй куы рацыдтӕн ӕмӕ мӕ Ефрафӕмӕ бирӕ куы нал хъуыд, уӕд мын Ханааны зӕххыл амарди Рахил, ӕмӕ йӕ баныгӕдтон Ефрафӕмӕ (Вифлееммӕ) фӕндагыл».

Израил Иосифы фыртты куы федта, уӕд бафарста: «Чи сты?»

Иосиф йӕ фыдӕн дзуапп радта: «Хуыцау мын ам кӕй радта, мӕ уыцы фырттӕ». Иаков загъта: «Ӕрбакӕн мӕм сӕ, ӕмӕ сыл ӕз арфӕ бафтауон».

Израил зӕронд кӕй уыд, уымӕ гӕсгӕ цӕстӕй нал уыдта. Иосиф ӕм сӕ бакодта, Иаков сӕ йӕ хъӕбысы ӕрбатыхта ӕмӕ сын абатӕ кодта.

Израил загъта Иосифӕн: «Дӕу фенын ӕнхъӕл нал уыдтӕн; фӕлӕ ма мын Хуыцау дӕ сывӕллӕтты дӕр фенын кодта».

Параллельные места

Бытие 45:26

Ӕмӕ йын радзырдтой: «Удӕгас у Иосиф, ӕппӕт Мысыры бӕстӕйӕн ӕлдариуӕг кӕны». Иаков фӕуыргъуыйау, уымӕн ӕмӕ сыл не 'ууӕндыд.

Иосиф лӕппуты райста Иаковы уӕрджытӕй, ӕмӕ йын зӕххы онг ӕркуывта.

Уый фӕстӕ Иосиф Ефремы ӕрлӕууын кодта йӕ рахиз фарс – Израилы галиу къухы акомкоммӕ, Манассийы та йӕ галиу фарс – Израилы рахиз къухы акомкоммӕ, ӕмӕ йӕм бакодта сӕ дыууӕйы.

Фӕлӕ Израил радардта йӕ рахиз къух ӕмӕ йӕ ӕрӕвӕрдта Ефремы сӕрыл, кӕд уый кӕстӕр уыди, уӕддӕр; йӕ къухтӕ дзуарӕвӕрд скӕнгӕйӕ, галиу къух ӕрӕвӕрдта Манассийы сӕрыл, кӕд Манасси хистӕр уыд, уӕддӕр.

Уый фӕстӕ Израил арфӕ бафтыдта Иосифыл: «Мӕ фыдӕлтӕ Авраам ӕмӕ Исаак коммӕгӕс Кӕмӕн уыдысты, мӕ цӕргӕбонты мӕнӕн абонмӕ Фыййау Чи уыди, уыцы Хуыцау,

Мӕн ӕппӕт фыдбылызтӕй чи хизы, уыцы зӕд арфӕ ракӕнӕд ацы лӕппутӕн. Хӕссӕнт мӕ ном ӕмӕ нӕ фыдӕлтӕ Авраам ӕмӕ Исаакы ном, ӕмӕ зӕххыл сбирӕ уӕнт».

Иосиф федта, йӕ фыд рахиз къух Ефремы сӕрыл кӕй ӕрӕвӕрдта; ӕмӕ йын фӕхъыг. Уӕд ныххӕцыд йӕ фыды рахиз къухыл, цӕмӕй йӕ Ефремы сӕрӕй райса Манассийы сӕрмӕ.

Иосиф йӕ фыдӕн загъта: «Афтӕ нӕ, мӕ фыд; ай хистӕр лӕппу у; дӕ рахиз къух уый сӕрыл ӕрӕвӕр».

Фӕлӕ йӕ фыд не сразы, ӕмӕ йын загъта: «Зонын ӕй, мӕ фырт, зонын; уымӕй дӕр рацӕудзӕни разагъды адӕм. Фӕлӕ йӕ кӕстӕр ӕфсымӕр уымӕй стырдӕр уыдзӕн. Йӕ байзӕддӕгтӕн нымӕц нӕ уыдзӕн».

Израил сыл уыцы бон арфӕ бафтыдта ӕмӕ загъта: «Сымах Израилы адӕмӕн уыдзыстут арфӕйаг. Уыдон дзурдзысты: „Хуыцау дӕ сбӕрзонд кӕнӕд Ефремау ӕмӕ Манассиау“». Афтӕмӕй Ефремы Манассийӕ сӕвӕрдта уӕлдӕр.

Уый фӕстӕ Израил Иосифӕн загъта: «Ныр ӕз мӕлын, фӕлӕ Хуыцау уыдзӕнис уемӕ ӕмӕ уӕ фӕстӕмӕ рахондзӕн уӕ фыдӕлты зӕхмӕ.

Иннӕ ӕфсымӕрты уӕлдай ӕз дӕуӕн дӕттын Сихем – цирхъ ӕмӕ йӕ фатӕй байстон аморрейӕгтӕй».

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода