Афтӕмӕй Иаков сси тынг хъӕздыг лӕг: уыдис ӕм стыр дзугтӕ, цагъар сылгоймӕгтӕ ӕмӕ нӕлгоймӕгтӕ, теуатӕ ӕмӕ хӕрджытӕ.
Исав бафарста Иаковы: «Цӕмӕн арвыстай ӕппӕт уыцы дзугтӕ мӕ размӕ?» Иаков дзуапп радта: «Цӕмӕй мӕм ды, ме 'лдар, ракӕсай хорз цӕстӕй».
Исав загъта: «Уӕд та мӕ бауадз, ӕмӕ мемӕ цы адӕм ис, уыдонӕй цалдӕры ныууадзон демӕ». Иаков загъта: «Цӕмӕн? Ӕрмӕст мӕм ме 'лдар ракӕсӕд хорз цӕстӕй, ӕндӕр мӕ ницы хъӕуы».