Книга Бытие Cтих 11 | Параллельные места

Исав йе сӕфт федта Иаковӕй, йӕ фыд ыл арфӕ кӕй бафтыдта, уый тыххӕй. Исав йӕхицӕн загъта: «Бирӕ нал хъӕуы мӕ фыдыл кӕуыны бонтӕм. Уӕд амардзынӕн ме 'фсымӕр Иаковы». Ревеккӕйӕн рафӕзмыдтой йӕ хистӕр лӕппу Исавы ныхӕстӕ. Уӕд Ревеккӕ арвыста, басидт йӕ кӕстӕр лӕппу Иаковмӕ, ӕмӕ йын загъта: «Де 'фсымӕр Исав дӕм ӕртхъирӕн кӕны амарынӕй. Исав разгъордта Иаковы размӕ ӕмӕ йын ахъӕбыс кодта, ныттыхстис ын йе 'фцӕгыл, батӕ йын кодта ӕмӕ сӕ дыууӕ дӕр куыдтой.

Ды мын куы загътай: „Ӕз дын уыдзынӕн хӕрзгӕнӕг, афтӕ бирӕ байзӕддӕгтӕ дын ратдзынӕн, ӕмӕ сын банымайӕн нӕ уыдзӕни, денджызы змисӕн банымайӕн куыд нӕй, афтӕ“».

Уыцы ӕхсӕв Иаков арвыста уым. Цыдӕриддӕр ӕм уыд, уымӕй рахицӕн кодта лӕварӕн йе 'фсымӕр Исавӕн:

Дыууӕсӕдӕ сӕгъы, ссӕдз цӕуы, дыууӕсӕдӕ фысы, ссӕдз фыры,

Дӕс ӕмӕ ссӕдз дуцгӕ теуайы ӕд байрӕгтӕ, дыууиссӕдз хъуджы, дӕс галы, ссӕдз сыл хӕрӕджы ӕмӕ дӕс нӕл хӕрӕджы.

Алы дзуг дӕр хицӕнӕй бафӕдзӕхста йӕ цагъартӕн, ӕмӕ сын загъта: «Цӕугӕут мӕ разӕй, дзуг иннӕ дзугӕй дӕрддзӕф куыд уа, афтӕ».

Фыццаг дзугимӕ цы цагъар уыди, уымӕн бафӕдзӕхста: «Ме 'фсымӕр Исав дыл куы фембӕла ӕмӕ дӕ куы фӕрса: „Кӕй цагъар дӕ ӕмӕ кӕдӕм цӕуыс? Кӕй фос тӕрыс?“,

Уӕд ын зӕгъ: „Дӕ цагъар Иаковы фос сты; ме 'лдар Исавӕн сӕ лӕварӕн рарвыста; Иаков йӕхӕдӕг дӕр ӕрбацӕуы мӕ фӕстӕ“».

Афтӕ бафӕдзӕхста дыккаг цагъарӕн дӕр, ӕртыккаг цагъарӕн дӕр – дзугты фӕдыл чи цыди, уыцы цагъартӕн сеппӕтӕн дӕр: «Исав уыл куы фембӕла, уӕд ын сымах дӕр зӕгъдзыстут афтӕ».

Ноджыдӕр ын зӕгъут: «Дӕ цагъар Иаков дӕр ӕрбацӕуы нӕ фӕстӕ». Уымӕн ӕмӕ Иаков йӕхицӕн загъта: «Мӕ разӕй цы лӕвӕрттӕ арвыстон, уыдонӕй йын йӕ зӕрдӕ балхӕнон. Уый фӕстӕ куы фембӕлӕм, уӕд мӕм хорз цӕстӕй кӕд ракӕсид».

Афтӕмӕй Иаков йӕ лӕвӕрттӕ арвыста йӕ разӕй; йӕхӕдӕг та йӕ уыцы ӕхсӕв асадӕны арвыста.

Иаков сыстад ӕхсӕвы ӕмӕ йӕ дыууӕ усимӕ, йӕ дыууӕ цагъар сылгоймагимӕ, йӕ иуӕндӕс фыртимӕ ахыст Иавокы цӕугӕдоны иннӕ фарсмӕ.

Уыдоны дӕр, стӕй йӕм цыдӕриддӕр мулк уыди, уый дӕр фӕкодта цӕугӕдоны иннӕ фарс.