Уыдон дзуапп радтой: «Хуыцау демӕ кӕй ис, уый мах бӕлвырд федтам, ӕмӕ уымӕ гӕсгӕ загътам: „Нӕ дыууӕты ӕхсӕн хъуамӕ уа сомыйӕ фидаргонд цӕдис.
Мах дӕ куыд нӕ бахъыгдардтам, хорзӕй дарддӕр дын куыд ницы сарӕзтам ӕмӕ дӕ фарнимӕ куыд ауагътам, ды дӕр нын афтӕ фыдбылыз кӕй нӕ сараздзынӕ, уый тыххӕй саразӕм фидыд; ныр ды Хуыцауӕй арфӕгонд дӕ“».
Исаак сын скодта куывд, ӕмӕ хордтой ӕмӕ нуӕзтой.
Дыккаг бон сыстадысты сӕумӕйӕ ӕмӕ кӕрӕдзийӕн расомы кодтой. Уый фӕстӕ сӕ Исаак афӕндараст кодта ӕмӕ дзы ацыдысты фарнимӕ.