Уымӕн ӕмӕ уый къӕппӕгау ӕрцахсдзӕн ӕппӕт зӕххон цӕрджыты.
Уӕдӕ иудадзыг ут цӕттӕ ӕмӕ кувут, цӕмӕй уӕ бон бауа ӕппӕт уыцы ӕрцӕуинаг бӕллӕхты сӕрты ахизын ӕмӕ Адӕймаджы Фырты раз ӕрлӕууын».
Ӕмӕ кӕд Йӕ хъӕбултӕ стӕм, уӕд Хуыцаумӕ цы хорзӕхтӕ ис, уыдонӕй райсдзыстӕм, исгӕ та сӕ Чырыстиимӕ ракӕндзыстӕм. Ӕмӕ кӕд иугӕр Йемӕ тухӕн ӕвзарӕм, уӕд нын хай уыдзӕн Йӕ намысӕй.
Ӕмӕ уӕ ныхмӕлӕуджытӕй ӕппындӕр кӕй нӕ тӕрсут. Хуыцау сын уе 'хсары руаджы равдисдзӕн: уыдон фесӕфдзысты, сымах та фервӕздзыстут.
Лӕвӕрдтам уын ныфс, рӕвдыдтам ӕмӕ уӕ ахуыр кодтам, цӕмӕй уӕ цард уа, Йӕ Паддзахадмӕ ӕмӕ уӕ Йӕ намысмӕ Чи хоны, уыцы Хуыцауӕн фӕндон.
Ӕфсымӕртӕ, сымах дӕр систут, Йесо Чырыстийӕн Иудейӕйы чи ис, Хуыцауы уыцы аргъуантау – ӕфхӕрд уӕхи адӕмӕй баййӕфтат, уыдон дӕр иудейтӕй ӕфхӕрд куыд баййӕфтой, афтӕ.
Ӕрымысут, Хуыцау уӕ зӕрдӕтӕм рухс куы бауагъта ӕмӕ уый фӕстӕ тохы бирӕ зынтӕн куы бафӕрӕзтат, уӕ раздӕры уыцы бонтӕ.
Куы уыл ӕгас адӕмы раз цъыфкалӕн кодтой ӕмӕ уӕ ӕфхӕрдтой, куы та уыдыстут, ахӕм уавӕры ма чи уыд, уыдоны фарсмӕ.